មានទ្រព្យជាង២៨លានដុល្លារ Dilraba នៅតែរកផ្ទះនៅមួយគ្មាន ធ្វើឲ្យគេភ្ញាក់ផ្អើលជាខ្លាំង

2020-06-04 03:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចែករំលែកក្នុងកម្មវិធីថ្មី តារាសម្ដែងស្រីជួរមុខចិន Dilraba បានធ្វើឲ្យទស្សនិកជនភ្ញាក់ជាខ្លាំងនៅពេលបង្ហើបថា នាងគ្មានផ្ទះសូម្បីមួយខ្នង។

តារាសម្ដែងស្រីកំពុងឡើងកូដចិន Dilraba បានចូលរួមក្នុងកម្មវិធីជជែកកម្សាន្តមួយ។ ចូលសិល្បៈតាំងពីអាយុ១៨ឆ្នាំ ពោលគឺបានរយៈពេល១០ឆ្នាំហើយ ដែលស្រីស្អាតវ័យ២៨ឆ្នាំ ចាប់ផ្ដើមប្រឡូកក្នុងវិស័យនេះ។

ជាមួយនឹងស្ប៉តពាណិជ្ជកម្ម ក៏ដូចជារឿងភាគត្រូវថតបន្តបន្ទាប់គ្នាគ្មានពេលលោះនោះ អ្នកវិភាគហិរញ្ញវត្ថុបានវាយតម្លៃថា ទ្រព្យសម្បត្តិរបស់តួរឿង និស្ស័យស្នេហ៍ទេវតា៣ជាតិ គឺប្រមាណ ២៨លានដុល្លារ។ យ៉ាងណាក្ដី ចាប់តាំងពីលេចមុខលើកញ្ចក់ទូរទស្សន៍មកនោះ ស្រីស្អាតរូបនេះ ស្នាក់នៅតែសណ្ឋាគារ ដោយមិនបានទិញផ្ទះសម្បែងអ្វីឡើយ។ ដែលខុសពីមិត្តរួមជំនាន់ដាច់ ព្រោះពួកគេមានផ្ទះ និងបោះទុនលើអចលនទ្រព្យជាច្រើនកន្លែង។

តារាស្រីជនជាតិភាគតិចនេះ បានបង្ហើបថា ដោយសារតែខ្លួនត្រាច់ចរច្រើន មួយថ្ងៃនៅទីនេះ មួយថ្ងៃនៅទីនោះ ទើបមិនដឹងថាត្រូវទិញផ្ទះនៅទីណាឲ្យសមរម្យ ហើយចេះតែនៅសណ្ឋាគារមកដល់សព្វថ្ងៃ។ ហើយនាងក៏មិនទាន់បានសម្រចចិត្តថា នឹងទិញផ្ទះនៅទីក្រុងមួយណាដូចគ្នា ដោយកំពុងពេញចិត្តនឹងការស្នាក់នៅសណ្ឋាគារនៅឡើយទេ៕