សហព័ន្ធកីឡាទាំង៣២ទទួលអាល់កុលពីអគ្គនាយកដ្ឋានកីឡាសម្រាប់បង្ការ COVID
- 2020-06-15 10:57:21
- ចំនួនមតិ 0 | ចំនួនចែករំលែក 0
សហព័ន្ធកីឡាទាំង៣២ទទួលអាល់កុលពីអគ្គនាយកដ្ឋានកីឡាសម្រាប់បង្ការ COVID
ចន្លោះមិនឃើញ
អគ្គនាយកដ្ឋានកីឡាដែលដឹកនាំដោយឯកឧត្ដម អ៊ុក សិទ្ធិជាតិ បានប្រគល់នូវ ស្រោមដៃ អាល់កុល ម៉ាស់ ដបបាញ់អាល់កុល ដល់សហព័ន្ធកីឡាទាំង ៣២ រួមនិងនាយកដ្ឋានផ្សេងៗដែលពាក់ព័ន្ធនិងកីឡាផងដែរ។
ឯកឧត្ដម អ៊ុក សិទ្ធិជាតិ បានឲ្យដឹងដែរថា ដោយសារតែឥលូវនេះសកម្មភាពកីឡាត្រូវធ្វើឡើងវិញមិនថាការហ្វឹកហាត់ ឬប្រកួតនានាខណៈជំងឺ COVID មិនទាន់បាត់នៅឡើយដូច្នេះម្នាក់ៗត្រូវមានការប្រុងប្រយ័ត្នខ្ពស់ និងចេះជួយមើលគ្នាទៅវិញទៅមក។
តំណាងក្រសួងអប់រំ យុវជន និងកីឡាខាងលើនេះបន្ថែមទៀតថា អគ្គនាយកដ្ឋានកីឡាបានទទួលជំនួយជាអាល់កុល និងសម្ភាសសម្រាប់ប្រើប្រាស់មួយចំនួនពីក្រុមហ៊ុន The Korean Chamber of Commerce in Cambodia ដើម្បីទប់ស្កាត់ជំងឺ COVID ឥលូវនេះត្រូវបានចែកបន្តទៅដល់សហព័ន្ធទាំងអស់ដើម្បីប្រើប្រាស់។ ទន្ទឹមនិងនេះឯកឧត្ដមសូមឲ្យសហព័ន្ធដែលយកអាល់កុលទាំងនេះទៅប្រើប្រាស់ឲ្យត្រូវទិសដៅ និងបន្តប្រុងប្រយ័ត្នខ្ពស់ចំពោះជំងឺមួយនេះ។
រំលឹកដែរថា អគ្គនាយកដ្ឋានកីឡាបានហៅសហព័ន្ធកីឡាជាតិទាំង ៣២ មកទទួលអាល់កុល ម៉ាស់ និងស្រោមដៃនេះកាលពីថ្ងៃសុក្រ ទី១២ ខែមិថុនា ឆ្នាំ២០២០ នៅឯមជ្ឈមណ្ឌលហ្វឹកហ្វឺនកីឡាថ្មីក្នុងពហុកីឡដ្ឋានជាតិ៕