ឡូយ! ក្រោយស្រីស្អាតថៃ Cover បទ សីម៉ា ជនជាតិថៃម្នាក់ បានចូលមកអគុណផលិតកម្ម Galaxy រឿងមួយ

2020-06-17 02:20:26
ចំនួនមតិ 0 | ចំនួនចែករំលែក 0

ចន្លោះមិនឃើញ

នេះជារឿងគួរចាប់អារម្មណ៍មួយ ដោយនៅម្សិលមិញនេះ ម្ចាស់ Channel Youtubeជាជនជាតិថៃម្នាក់ បានចូលមកថ្លែងអំណរគុណដល់ផលិតកម្មខ្មែរ Galaxy Navatra ក្រោយពីដែលមានជនរួមជាតិគេម្នាក់ផ្សេងទៀតបានយកបទរបស់ តន់ ច័ន្ទសីម៉ា យកទៅ Cover។

ជនជាតិថៃរូបនោះ ថ្លែងដូច្នេះបន្ទាប់ពីម្សិលមិញនេះ គេបានឃើញស្រីស្អាតជនជាតិថ្ងៃម្នាក់ បានចេញមកច្រៀង Cover បទរបស់តារាចម្រៀង តន់ ច័ន្ទសីម៉ា មានចំណងជើងថា "ស្នេហាក្រឡាប់ចាក់"។ ម្ចាស់ឆាណែលដែលមានឈ្មោះថា ZaadOat Studio បានចូលមកសរសេរជាភាសាថៃ និងបានប្រើ Google Translate ដើម្បីបកមកជាភាសាខ្មែរថែមទៀត ក្នុងបំណងឲ្យប្រជាពលរដ្ឋខ្មែរ និងផលិតកម្ម Galaxy Navatra បានដឹង និងយល់ពីអ្វីដែលរូបគេចង់និយាយ។

តាមសារជាភាសាខ្មែរដែលដាក់ភ្ជាប់មកជាមួយភាសាថៃដោយម្ចាស់ឆាណែលខាងលើ មានខ្លឹមសារថា បទនេះ ស្ថិតក្នុងគម្រោងមួយរបស់គេ ក្នុងការយកមកច្រៀង Cover ជាភាសាថៃដែរ។ ដូច្នេះហើយរូបគេសូមថ្លែងអំណរគុណដល់Galaxy Navatra ដែលបានអនុញ្ញាតឱ្យយើងចូលរួមក្នុងគម្រោងអន្តរជាតិនេះ។មិនត្រឹមប៉ុណ្ណឹងក៏មានជនជាតិថៃមួយរូបផ្សេងទៀត ក៏បានចូលមកសរសេរសារបង្ហាញពីបំណងចង់ធ្វើដូចគ្នានេះជាមួយបទចម្រៀងខ្មែរដែរ។

នៅមុនពេលមានការផ្ញើសារ មកកាន់ផលិតកម្មខ្មែរនេះ ដំបូងឡើយ គឺស្រីស្អាតជនជាតិថៃមួយរូបមានឈ្មោះថា ICE Jarunya X ZaadOatkបានច្រៀង Cover ជាភាសាថៃនូវបទចម្រៀងខ្មែរមួយបទមានចំណងជើងថា "ស្នេហាក្រឡាប់ចាក់" របស់ តន់ ច័ន្ទសីម៉ា។ ដែលបន្ទាប់ពីនោះមក ក៏មានការចាប់អារម្មណ៍ជាច្រើនទាំងអ្នកស្ដាប់ជនជាតិថៃដូចគ្នា និងអ្នកស្ដាប់ជនជាតិកម្ពុជា។

ICE Jarunya X ZaadOatk ទទួលបានការសរសើរលើការប្រើប្រាស់សំឡេង ថានាងមានសំឡេងពីរោះផ្អែម ឯអ្នកខ្លះទៀត ក៏បានពោលសរសើរបទចម្រៀងខ្មែរមួយបទនេះដែរ។ តោះឥឡូវមកស្ដាប់ ICE Jarunya X ZaadOatk ទាំងអស់គ្នា!