ក្រសួងសុខាភិបាល​ប្រេស៊ីល បាននិយាយកាលពីថ្ងៃអាទិត្យថាចំនួនអ្នកស្លាប់របស់ប្រេស៊ីលដោយសារវីរុសថ្មីបានកើនឡើងដល់ ៥ ០៦១៧ នាក់បន្ទាប់ពីអ្នកជំងឺ ៦៤១ នាក់បានស្លាប់ក្នុងរយៈពេល ២៤ ម៉ោង។

ក្នុងរយៈពេលដូចគ្នានេះដែរការធ្វើតេស្តបានរកឃើញករណីឆ្លងថ្មីចំនួន ១៧ ៤៥៩ ករណីដែលបង្កើនចំនួនសរុបដល់ ១ ០៨៥ ០៣៨ ទូទាំង​ប្រទេស។ អត្រានៃការឆ្លង និងមរណភាព បាន​ធ្វើ​ឲ្យ​ប្រេស៊ីលថាជាប្រទេសដែលមានការរីករាលដាលធំជាងគេលំដាប់ទី ២ នៅលើពិភពលោកបន្ទាប់ពីសហរដ្ឋអាមេរិក។ រដ្ឋនៅភាគអាគ្នេយ៍នៃទីក្រុងសៅប៉ូឡូ ដែលមានប្រជាជនច្រើនជាងគេនៅប្រេស៊ីល គឺជាចំណុចកណ្តាលនៃការផ្ទុះជំងឺ​ឆ្លង​នេះ ដោយមានករណីឆ្លងចំនួន ២១៩ ១៨៥ នាក់និងមានអ្នកស្លាប់ ១២ ៥៨៨ នាក់។

បន្ទាប់មកគឺទីក្រុងរីយ៉ូដឺហ្សាណេរ៉ូមាន ៩៦ ១៣៣ ករណីនិងមានអ្នកស្លាប់ ៨.៨៧៥ នាក់និង Cearaមាន ៩២ ៨៥៥ ករណីនិងអ្នកស្លាប់ ៥ ៥២៣ នាក់៕

ប្រភព៖ Xinhua   ប្រែ​សម្រួល៖ រ័ត្ន