ល្ហិចល្ហៀងថាប្រធានក្លឹប Barca ទៅផ្ទះ Setien ពិភាក្សារឿងរសើប

2020-06-30 13:40:53
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Josep Bartomeu ប្រធានក្លឹប Barcelona បានទៅពិភាក្សារឿងអនាគតរបស់គ្រូបង្គោល Quique Setien ទៅដល់គេហដ្ឋានរបស់លោក Setein នេះបើតាមការផ្សាយរបស់វិទ្យុកាតាឡាន់ RAC1។

បើតាមវិទ្យុដដែលនោះបានឲ្យដឹងថា Bartomeu ទៅសួរសុខទុក្ខលោក Setien ជាមួយនឹងនាយកផ្នែកកីឡាលោក Eric Abidal នាយកផ្នែកកីឡាករឈុតធំលោក Javier Bordas និងនាយកប្រតិបត្តិលោក Oscar Grau។

ក្នុងជំនួបក្រៅផ្លូវការនោះ បើតាម RAC1លោក Bartomeu ប្រកាន់ជំហរគាំទ្រវត្តមានរបស់លោក Setien ឲ្យបន្តនៅក្លឹបកាតាឡាន់នេះ។ អ្វីដែលសំខាន់នោះគឺ ប្រធានក្លឹប Barca ចង់ដឹងពីរឿងប្រជុំតឹងសរសៃករវាងគ្រូបង្គោល និងក្រុមកីឡាករឈុតធំ កាលពីថ្ងៃអាទិត្យក្រោយពីក្លឹបលេងបាន ២ស្មើនឹង Celta Vigo កាលពីថ្ងៃសៅរ៍។

Barcelona កំពុងតែឈរលេខ ២ ដោយក្រោម Real Madrid ចំនួន ២ពិន្ទុគិតត្រឹមសប្ដាហ៍ទី៣២។ ទាក់ទិននឹងលទ្ធផលនេះ សារព័ត៌មានមួយចំនួនបានធ្វើការសន្និដ្ឋានថា ក្រុមកីឡាករ Barca ប៉ះទង្គិចគ្នាជាមួយនឹងលោក Setien ហើយជាពិសេសមិនពេញចិត្តនឹងឫកពារបស់លោកជំនួយការ Sarabia។

លោក Sarabia នេះធ្លាប់គេប្រទះឃើញជេរ Griezmann ទាំងលើទីលាន ពេលកីឡាករបារាំងនេះបង្ហាញទម្រង់លេងមិនសូវល្អ៕

ប្រភព៖ AS English ប្រែសម្រួល៖ ហ៊ីម រស្មី