ក្រោយធ្វើតេស្ត តារាឥណ្ឌា Aishwarya និងកូនតូចសុទ្ធតែឆ្លងកូវីដ បន្ទាប់ពីប្ដី និងឪពុកក្មេក

2020-07-13 04:21:10
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាបូលីវូដ និងជាអតីតបវរកញ្ញាពិភពលោក Aishwarya Rai Bachchan ព្រមទាំងកូនស្រីអាយុ ៨ឆ្នាំ ត្រូវគេដឹងថាមានផ្ទុកមេរោគ COVID-19។

Aishwarya និងកូនស្រី

សេចក្ដីរាយការណ៍ដែលចេញកាលពីថ្ងៃអាទិត្យទី ១២ ខែកក្កដាបានបង្ហាញថាលទ្ធផលធ្វើតេស្តរកមេរោគ COVID-19 របស់តារាស្រីរបស់ឥណ្ឌារូបនេះ រួមទាំងកូនស្រីតូចអាយុ ៨ឆ្នាំ បានចេញមកហើយ គឺមានសញ្ញាវិជ្ជមាន។

មុនព័ត៌មាននេះផ្ទុះឡើង ក៏មានដំណឹងផ្សាយកាលពីថ្ងៃសៅរ៍នោះថា ស្វាមីរបស់នាង និងឪពុកក្មេកដែលជាតារាសម្ដែងជើងចាស់ Amitabh Bachchan កំពុងផ្ទុកមេរោគឆ្លងមួយនេះដូចគ្នា។ ដូចនេះសរុបទាំងអស់ក្នុងគ្រួសាររបស់នាង សុទ្ធតែឆ្លងមេរោគនេះទាំងអស់ លើកលែងម្ដាយក្មេករបស់នាងម្នាក់គត់ដែលលទ្ធផលចេញមកអវិជ្ជមាន។

តារាសម្ដែង Amitabh Bachchan

ក្រៅពីនេះ អ្នកដែលនៅជិតជាមួយនឹងក្រុមគ្រួសារនេះ រួមមានមិត្តភ័ក្តិ និងក្រុមការងារដែលធ្វើការជាប់ជាមួយពួកគេក៏បានទៅពិនិត្យរកមេរោគនេះជាបន្តបន្ទាប់ និងក៏កំពុងរង់ចាំលទ្ធផលដែរ៕

ប្រភព៖ theguardian ប្រែសម្រួល៖ យី សុធារី