Toyota ស្មានមិនដល់ថាឡានម៉ូដែលនេះ មានអ្នកទិញច្រើនថ្នាក់នេះ

2020-07-20 02:47:13
ចំនួនមតិ 0 | ចំនួនចែករំលែក 0

ចន្លោះមិនឃើញ

Toyota បានប្រកាសចេញរថយន្ត Harrier ស៊េរីថ្មីឆ្នាំ ២០២១ ដែលមានផ្លាស់ប្ដូររូបរាងថ្មី កាលពីខែមេសាកន្លងទៅ សម្រាប់ទីផ្សារប្រទេសជប៉ុន។ គោលដៅរបស់ Toyota គឺចង់ទទួលបានការកុម្ម៉ង់ទិញឲ្យបានយ៉ាងហោចណាស់ ៣ ១០០គ្រឿង ក្នុងខែដំបូង ដោយគិតថាអំឡុងពេលកើតមានជំងឺកូវីដ១៩ បែបនេះអតិថិជនអាចនឹងកាត់បន្ថយការចំណាយ និងចំណាយដោយប្រុងប្រយ័ត្នបំផុត។

យ៉ាងណាក្ដីការកុម្ម៉ង់ទិញជាក់ស្ដែងដែល Toyota ទទួលបានសម្រាប់រថយន្ត Harrier ស៊េរីថ្មីរបស់ខ្លួន គឺមានរហូតដល់ខ្ទង់ ៤៥ ០០០ គ្រឿង ដែលលើសពីគោលដៅរហូតដល់ជិត ១៥ដងឯណោះ។

គួរដឹងថា Toyota Harrier ទទួលបានជោគជ័យខ្លាំងនៅប្រទេសជប៉ុន ដោយគិតចាប់ពីចេញលក់ដំបូងមកអាចលក់ចេញបានជិត ៦៨ម៉ឺនគ្រឿង ហើយ Toyota Harrier ឆ្នាំ ២០២១ ជារថយន្តដែលមានការផ្លាស់ប្ដូររូបរាងថ្មីជាលើកដំបូងក្នុងពេល ៧ ឆ្នាំ៕

ប្រភព៖ Motor1 ប្រែសម្រួល៖ សុខហេង