គិតត្រឹមពេលនេះស្វាយរៀងបង្ហាញឲ្យឃើញថា កាន់តែខ្លាំងជាងរដូវកាលមុន

2020-07-28 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹមពេលនេះព្រះខ័នរាជស្វាយរៀងរកបាន២២ ពិន្ទុស្ថិតនៅលើគេក្នុងតារាងលីគកំពូលកម្ពុជា ដោយរកបាន៣៣គ្រាប់ និងរបូតវិញតែ ៥ គ្រាប់ប៉ុណ្ណោះក្នុងចំណោម ៨ ប្រកួតនារដូវកាលនេះ។

ស្វាយរៀង ប៉ះ ភ្នំពេញក្រោន

ស្ថិតិនេះបានបង្ហាញថា ក្រុមមួយនេះធ្វើបានល្អជាង៨ ប្រកួតចាប់ផ្ដើមកាលពីរដូវកាលមុនក្នុងលីគកំពូលកម្ពុជា ដោយពេលនោះពួកគេរបូតគ្រាប់បាល់៤គ្រាប់ ទាត់ចូលដៃគូ ២៧ គ្រាប់ ដោយរកបាន ២០ ពិន្ទុ។

យ៉ាងណាមិញក្រុមមួយនេះក៏មិនទាន់ស្គាល់បរាជ័យដូចគ្នាបើធៀបទៅ ៨ ប្រកួតចាប់ផ្ដើមកាលពីរដូវកាលមុន ដោយរដូវកាលនេះពួកគេឈ្នះ ៧ និងស្មើ១ ក្នុងចំណោម ៨ ។ ចំណែករដូវកាលមុន៨ ប្រកួតចាប់ផ្ដើមរបស់ស្វាយរៀងឈ្នះ ៦ និងស្មើ ២ លើក ក្នុងនោះគឺស្មើ បឹងកេត ២-២ ថ្ងៃទី១៩ ខែឧសភា ឆ្នាំ២០១៩ និងស្មើ Tiger ១-១ ថ្ងៃទី៥ ខែឧសភា ឆ្នាំ២០១៩។

ដោយឡែកសម្រាប់ជ័យជម្នះ៦ប្រកួត ដែលឈ្នះក្នុងចំណោម ៨ប្រកួតចាប់ផ្ដើមកាលពីរដូវកាលមុនរួមមានឈ្នះកំពង់ចាម ១៣-០ ឈ្នះអគ្គិសនី ១-០ ឈ្នះភ្នំពេញក្រោន ៥-១ ឈ្នះគីរីរង់ ២-០ ឈ្នះ សូលទីឡូអង្គរ ១-០ និងឈ្នះប៉ូលិស ២-០ ៕