ចេញតម្លៃ Galaxy Note20 នៅអឺរ៉ុប ថោកបំផុតចាប់ពី ៩៩៩អឺរ៉ូ

2020-07-28 03:03:01
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចែករំលែកដំណឹងលេចធ្លាយ Ishan Agarwal បានសហការជាមួយ MySmartPrice បង្ហាញចេញនូវតម្លៃ Galaxy Note20 និង Note20 Ultra លក់នៅលើទីផ្សារអឺរ៉ុប ដែលមានដំណើរការដោយបន្ទះឈីប Exynos 990។

Note20

Galaxy Note20 4G នឹងមានដាក់លក់ក្នុងតម្លៃ ៩៩៩អឺរ៉ូ (ប្រមាណ ១១៧៤ដុល្លារ) ជាមួយទំហំ ២៥៦GB ចំណែក Galaxy Note20 5G វិញគឺមានតម្លៃ ១០៩៩អឺរ៉ូ (ប្រមាណ ១២៩១ដុល្លារ) ជាមួយទំហំ ២៥៦GB ដូចគ្នា។ ចំពោះប្រភេទ ៥១២GB គឺមិនមាននោះទេ។

Note20 Ultra

ចូលដល់ Galaxy Note20 Ultra វិញ នឹងមានតែប្រភេទ 5G សុទ្ធ ដោយមានតម្លៃ ១៣៤៩អឺរ៉ូ (ប្រមាណ ១៥៨៥ដុល្លារ) សម្រាប់ទំហំ ២៥៦GB។ ប៉ុន្តែបើចង់បានទំហំ ៥១២GB នឹងត្រូវចំណាយ ១៤៤៩អឺរ៉ូ (ប្រមាណ ១៧០៣ដុល្លារ)។ គេចាប់អារម្មណ៍ថាតម្លៃ Note20 Ultra ទំហំ ២៥៦GB ដូចគ្នានឹង S20 Ultra ទំហំ ១២៨GB ប៉ុន្តែថ្លៃជាង Note10+ ទំហំ ២៥៦GB រហូតដល់ ២០០អឺរ៉ូ។

ជាមួយតម្លៃសម្រាប់ទីផ្សារអឺរ៉ុបនេះ គេអាចប៉ាន់ស្មានដឹងអំពីតម្លៃលក់នៅសហរដ្ឋអាមេរិក ព្រោះថា Samsung ឧស្សាហ៍ប្រើប្រាស់វិធីសាស្ត្រជំនួសសញ្ញាអឺរ៉ូ ជាមួយសញ្ញាដុល្លារ និងពេលខ្លះបន្ថែម ៥០ដុល្លារពីលើជាដើម។ ប្រសិនបើមិនប្ដូរយុទ្ធសាស្ត្រទេនោះ Note20 នៅអាមេរិកអាចនឹងមានតម្លៃ ៩៩៩ដុល្លារ ឬ ១០៤៩ដុល្លារ ចំណែកឯ Note20 Ultra នឹងមានតម្លៃ ១៣៤៩ដុល្លារ ឬ ១៣៩៩ដុល្លារ ប៉ុន្តែវាទាំងពីរនឹងប្រើប្រាស់ឈីប Snapdragon 865+ ខុសពីនៅអឺរ៉ុប។

ប្រភពខាងលើបានឲ្យដឹងដែរថា Galaxy Buds Live ដែលជាកាសស្ដាប់ឥតខ្សែថ្មី Samsung ត្រៀមប្រកាសចេញជាមួយ Galaxy Note20 នឹងមានដាក់លក់តម្លៃ ១៨៩អឺរ៉ូ (ប្រមាណ ២២២ដុល្លារ) នៅអឺរ៉ុប៕

ប្រភព៖ PhoneArena ប្រែសម្រួល៖ សុខហេង