ចំណុចសម្គាល់ ៤ តាមរយៈពណ៌ផ្សែងហុយ ចេញពីស៊ីមាំងរថយន្ត
- 2020-08-04 06:28:10
- ចំនួនមតិ 0 | ចំនួនចែករំលែក 0
ចំណុចសម្គាល់ ៤ តាមរយៈពណ៌ផ្សែងហុយ ចេញពីស៊ីមាំងរថយន្ត
ចន្លោះមិនឃើញ
ពណ៌ផ្សែងចេញពីបំពង់ស៊ីមាំងរថយន្ត មានន័យខុសគ្នា ដែលអ្នកបើកបររថយន្តគួរស្វែងយល់។ ខាងក្រោមនេះជាចំណុចសម្គាល់ ៤ តាមរយៈពណ៌ផ្សែងហុយ ចេញពីស៊ីមាំងរថយន្ត។
#ផ្សែងពណ៌សស្រាល ដូចចំហាយទឹក
ពណ៌នេះបង្ហាញថា ម៉ាស៊ីនមិនទាន់ក្តៅនៅឡើយ ឬអាកាសធាតុនៅខាងក្រៅត្រជាក់។ ដើម្បីប្រាកដថាគ្រប់យ៉ាងប្រក្រតី អាចរង់ចាំដល់ពេលម៉ាស៊ីនក្តៅគ្រប់គ្រាន់ និងពិនិត្យមើលផ្សែងម្តងទៀត។ បើនៅតែមានផ្សែង គួរចូលយានដ្ឋានធ្វើការពិនិត្យ។
#ផ្សែងពណ៌ខ្មៅ និងប្រផេះ
ពណ៌នេះបង្ហាញថា ម៉ាស៊ីនដំណើរការមិនប្រក្រតី ប៉ុន្តែបញ្ហានេះប្រើពេលតិច ឬមិនសូវចំណាយច្រើននោះទេ ក្នុងការជួសជុល។ ករណីភាគច្រើនមកពី ប្រព័ន្ធបាញ់ប្រេងដំណើរការខុសប្រក្រតី ឬតម្រងខ្យល់មានការរាំងស្ទះ។
សម្រាប់រថយន្តប្រើម៉ាស៊ូត ពណ៌នេះអាចជាសញ្ញាបញ្ជាក់ថា ម៉ាស៊ីនក្តៅពេក ឬតម្រង់ប្រេងម៉ាស៊ូតឡើងខ្មៅ ដែលអាចកើតមានយូរៗម្តង។
#ផ្សែងពណ៌ខៀវ
ពណ៌នេះបង្ហាញសញ្ញាអាក្រក់ចំពោះម៉ាស៊ីន ដែលត្រូវការចូលយានដ្ឋានជួសជុលឲ្យបានឆាប់តាមដែលអាចទៅរួច។
សម្រាប់រថយន្តប្រើសាំង អាចមានប្រេងលិចចូលតួម៉ាស៊ីន (Engine Block) កន្លែងដែលប្រេងលាយលំនឹងខ្យល់។ សម្រាប់រថយន្តប្រើម៉ាស៊ូត អាចមានប្រេងច្រើនពេកក្នុងម៉ាស៊ីន។
#ផ្សែងពណ៌ស
ពណ៌នេះត្រូវការត្រួតពិនិត្យភ្លាមៗ ជាសញ្ញាអាក្រក់ចំពោះម៉ាស៊ីន។
សម្រាប់រថយន្តប្រើម៉ាស៊ូត អាចមានន័យថា ថិរវេលាម៉ាស៊ីន (Engine Timing) មិនត្រឹមត្រូវ ដែលមានកំហុសឆ្គងក្នុងប្រព័ន្ធបាញ់ប្រេង ឬម៉ាស៊ីនកើនកម្តៅខ្លាំង។
សម្រាប់រថយន្តប្រើសាំង អាច មានក្បាលស៊ីឡាំង (Cylinder Head) បែក ឬទ្រនាប់ក្បាលស៊ីឡាំងលិច (Head Gasket)។ បើទ្រនាប់ក្បាលស៊ីឡាំងមិនជួសជុលភ្លាមៗនោះទេ អាចធ្វើឲ្យម៉ាស៊ីនខូចបាន៕
ប្រភព៖ www.carwow.co.uk អត្ថបទ៖ ប៊ុនធឿន