ហុក សុចិត្រា ពន្យល់ចំណុចលេចធ្លោរបស់ត្បូងឃ្មុំមុនប៉ះគ្នានៅ Hun Sen Cup

2020-08-04 08:31:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់វិសាខា នឹងត្រូវប៉ះក្រុមបាល់ទាត់ខេត្តត្បូងឃ្មុំ ក្នុងព្រឹត្តិការណ៍ Hun Sen Cup ថ្នាក់ជាតិនាថ្ងៃទី១៣ ខែសីហា ឆ្នាំ២០២០ នៅទឹកដីត្បូងឃ្មុំ។ មុនប៉ះគ្នានេះលោក ហុក សុចិត្រា អ្នកចាត់ការក្រុមវិសាខាមើលឃើញពីភាពលេចធ្លោរបស់ដៃគូមួយនេះមួយចំនួន។

លោក ហុក សុចិត្រា

អតីតអ្នកចាត់ការក្រុមបាល់ទាត់ជម្រើសជាតិ Futsal ខាងលើមើលឃើញចំណុចខ្លាំងរបស់ត្បូងឃ្មុំត្រង់ មានរបៀបលេងជាក្រុម មានការតាំងចិត្តលេង ហើយអ្វីដែលពិសេសគឺពួកគេមានកម្លាំងខ្លាំងក្នុងការប្រកួត។ យ៉ាងណាមិញក្រុមរបស់លោកមិនអាចមើលស្រាលដៃគូនេះបានទេ បើទោះពួកគេមិនមែនជាកីឡាករអាជីព ដែលលេងនៅលីគកំពូលដូចវិសាខាក៏ដោយ។

លោកបន្ថែមថា បើសិនក្រុមវិសាខាអាចរកគ្រាប់បាល់បាន នឹងស្វែងរកទៅតាមលទ្ធភាព ពីព្រោះលោកគិតថា បាល់ទាត់មិនអាចមានការបន្ធូរបន្ថយឡើយ។ ក្រុមវិសាខា នឹងប្រុងប្រយ័ត្នក្នុងការត្រៀមខ្លួនលេងទល់ត្បូងឃ្មុំ ដោយលោកគិតថា ក្រុមដែលឡើងមកដល់វគ្គនេះសុទ្ធតែជាក្រុមខ្លាំង។

សូមបញ្ជាក់ថា វិសាខា ជាក្រុមលេងនៅលីគកំពូលកម្ពុជា ដែលសម្បូរទៅដោយកីឡាករកម្ពុជាល្អៗ។ ចំណែកត្បូងឃ្មុំបានលេងពាន Hun Sen Cup ថ្នាក់ជាតិ ដោយសារទទួលបានលេខ ២ ក្នុងការប្រកួតថ្នាក់ខេត្ត ក្រោយចាញ់ក្រុមខេត្តព្រៃវែង ១-០ នៅវគ្គផ្ដាច់ព្រ័ត្រ៕