Walt Disney ត្រៀមបញ្ចាំងគំនូរជីវចលដែលមានបង្កប់នូវប្រាសាទ និងវប្បធម៌ខ្មែរ

2020-08-05 02:37:50
ចំនួនមតិ 0 | ចំនួនចែករំលែក 0

ចន្លោះមិនឃើញ

គំនូរជីវចលរឿង Raya and the Last Dragon របស់ក្រុមហ៊ុន Walt Disney នឹងរួមចម្លែកយ៉ាងសំខាន់ផ្សព្វផ្សាយពីអរិយធម៌ និងវប្បធម៌ខ្មែរទៅកាន់ពិភពលោកដែលគ្រោងនឹងចាក់បញ្ចាំងក្នុងឆ្នាំ២០២១ខាងមុខ។

តាមផែនការគំនូរជីវចលនេះគ្រោងចាក់បញ្ចាំងក្នុងឆ្នាំ២០២០នេះ ប៉ុន្តែត្រូវពន្យារពេលដោយសារការរីករាលដាលនៃមេរោគកូវីដ១៩ ដែលធ្វើឲ្យក្រុមហ៊ុនភ័យខ្លាចបាត់ចំណូល និងខាតបង់។ រឿង Raya and the Last Dragon រៀបរាប់ព្រះនាងម្នាក់ និងពូជពង្សចុងក្រោយរបស់នាគ ដែលស្របគ្នាទៅនឹងប្រវត្តិរបស់នគរខ្មែរគឺនាងនាគ និងព្រះថោង។

នគរក្នុងសាច់រឿង គឺជានគរប្រឌិតមួយដែលគេឲ្យឈ្មោះថា Kumandra ដោយយកលំនាំទៅតាមប្រាសាទបុរាណខ្មែរ និងវប្បធម៌នៃបណ្ដាប្រទេសផ្សេងទៀតនៃអាស៊ីអាគ្នេយ៍រួមបញ្ចូលគ្នាដែលក្នុងនោះមានដូចជា កម្ពុជា, ថៃ, ឡាវ, វៀតណាម, ឥណ្ឌូនេស៊ី, ម៉ាឡេ និងហ្វីលីពីនជាដើម។

មុនផលិតចេញជាសាច់រឿងគំនូរជីវចលនេះឡើងក្រុមការងារបានធ្វើដំណើរទៅកាន់ប្រទេសមួយចំនួនដូចជា ថៃ, ឡាវ, វៀតណាម, ឥណ្ឌូណេស៊ី ជាពិសេសគឺខេត្តសៀមរាបភាគពាយ័ព្យនៃប្រទេសកម្ពុជា ដើម្បីសិក្សាស្រាវជ្រាវពីវប្បធម៌ ប្រវត្តិសាស្ត្រ បង្កើតទៅជានគរប្រឌិតមួយក្នុងគំនូរជីវចល៕