​ការ​ប្រកួត​ពាន​រង្វាន់​ Europa League ​បញ្ចប់​ការ​ប្រកួត​វគ្គ​១៦​ក្រុម​ចុង​ក្រោយ​នៅ​យប់មិញ​នេះ​ហើយ ​ដោយ​ពេល​នេះ​ពួកគេ​ស្វែង​រក​បាន​ក្រុម​៨​ដើម្បី​ឡើង​ទៅ​លេង​វគ្គ​បន្ដ ​ប្រកួត​នៅ​ទឹក​ដី​អាល្លឺម៉ង់។

​កាល​ពី​យប់​ម្សិលមិញ ​ពាន Europa League ​រក​បាន​៤​ក្រុម​គឺ Man Utd , Inter Milan , Copehagen ​និង Shakhtar Donetsk ​។ ខណៈ​ដែល​យប់មិញ​នេះ​ទៀត ​ពួកគេ​ក៏​រក​បាន​៤​ក្រុម​ទៀត​គឺ Sevilla , Wolves , Basel ​និង Bayer Leverkusen ​។ ​ក្រុម​ទាំង​៨​នេះ ​ក៏​បាន​ចាប់​គូ​ប្រកួត​រួច​រាល់​ហើយ​ដែរ ​ដោយ​ក្រុម Man Utd ​ប៉ះ Copenhagen , Inter Milan ​ប៉ះ Bayer Leverkusen , ​Shakhtar ​ប៉ះ Basel ​និង Wolves ​ប៉ះ Sevilla ​។ ​ការ​ប្រកួត​វគ្គ​៨​ក្រុម​ចុង​ក្រោយ​នេះ ​នឹង​លេង​នៅ​ថ្ងៃ​ទី​១១​និង​១២​ខែ​សីហា​ខាង​មុខ​នេះ។

​ដោយ​លេង​តែ​មួយ​ជើង​ប៉ុណ្ណោះ ​ក្រុម​ណា​ឈ្នះ​ឡើង​វគ្គ​ពាក់​កណ្ដាល​ផ្ដាច់ព្រ័ត្រ​តែ​ម្ដង​នៅ​ថ្ងៃ​ទី​១៧​ខែ​សីហា ​ហើយ​បន្ដ​ប្រកួត​វគ្គ​ផ្ដាច់ព្រ័ត្រ​ទៀត​នៅ​ថ្ងៃ​ទី​២២​ខែ​សីហា​ឆ្នាំ​២០២០​ខាង​មុខ​នេះ៕

​

ប្រភព៖ BBC   អត្ថបទ៖ ប្រុស យុទ្ធ