យុវជនចាប់អារម្មណ៍ចូលរៀនវគ្គខ្លីៗកាន់តែច្រើន បន្ថែមលើជំនាញសិក្សាតាមសាលា

2016-08-08 18:01:34
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្នសិស្ស-និស្សិតកម្ពុជាជាច្រើន បានចាប់អារម្មណ៍ចូលរួមវគ្គបណ្ដុះបណ្ដាលជំនាញរយៈពេលខ្លីៗផ្សេងៗ បើទោះបីជាពួកគេបានរៀនជំនាញឯកទេសនៅសាលារួចហើយក៏ដោយ។ ការរៀនវគ្គបណ្ដុះបណ្ដាលនោះ គឺដើម្បីបំប៉ននិងគួបផ្សំបន្ថែមទៅលើការសិក្សាជំនាញរបស់ពួកគេ និងការពង្រឹងសមត្ថភាពពេលចូលធ្វើការ។

យុវជនថាវ ស៊ីវនី និស្សិតឆ្នាំទី៣ រៀនផ្នែកសិក្សាអន្តរជាតិ នៅវិទ្យាស្ថានភាសាបរទេស បានលើកឡើងពីបទពិសោធន៍ផ្ទាល់ខ្លួនដែលបានចូលរួមវគ្គបណ្ដុះបណ្ដាលយុវជនឈ្មោះ (Youth Management Training Program) រយៈពេល ២ខែ ថា មុនពេលចូលរៀន រូបគេស្ថិតក្នុងភាពស្រពិចស្រពិលលើជំនាញរបស់គេ ប៉ុន្តែក្រោយពីការចូលរៀនវគ្គខ្លី រូបគេទទួលបានបទពិសោធន៍ជាមូលដ្ឋាន ដែលអាចជួយរូបគេដោះស្រាយបញ្ហា នៅបរិស្ថានការងារបាន។

“ពេលគេជួលយើងធ្វើការ គេប្រាកដជារំពឹងថា យើងអាចដោះស្រាយបញ្ហាឲ្យគេបាន ស្ថានភាពនេះខ្ញុំគិតថាវា(ការបណ្ដុះបណ្ដាល) អាចជួយខ្ញុំបាន ព្រោះវាអាចជួយខ្ញុំនូវអ្វីដែលខ្ញុំមិនមានបទពិសោធក្នុងការងារ។ ខ្ញុំភាគច្រើនរៀនពីបទពិសោធន៍ជីវិតរបស់អ្នកបណ្ដុះបណ្ដាល ការរៀននោះ អ្វីដែលយើងទទួលបានគឺជាមូលដ្ឋាន ជាបទពិសោធន៍ក្នុងការសម្រេចចិត្តផ្សេងៗ “។ នេះជាការលើកឡើងរបស់យុវជន ស៊ីវនី។

ចំណែកកញ្ញា អ៊ីម ម៉ាលីណែត បច្ចុប្បន្នជាជំនួយការនាយកប្រតិបត្តិនៅក្រុមហ៊ុនមួយ បានបង្ហាញពីចំណាប់អារម្មណ៍ក្រោយពេលបានចូលរួមក្នុងកម្មវិធីបណ្ដុះបណ្ដាលយុវជន រយៈពេល៧សប្ដាហ៍ថា៖ "អំឡុងពេលដែលខ្ញុំចូលរៀន វាដូច Change ខ្លួនឯងផ្ទាល់ ដូចពេលខ្លះយើងមានអារម្មណ៍ធ្លាក់ទឹកចិត្ត ថាអត់អាច Challenge ជាមួយអ្នកខ្លាំង ចឹងមានអារម្មណ៍ថាមិនអាចរកការងារល្អៗ តែពេលខ្ញុំចូលរៀនគឺបានជួបអ្នកបណ្ដុះបណ្ដាលល្អច្រើន គាត់ពន្យល់ គាត់ Share ពីបទពិសោធន៍ច្រើន ហើយយើងមានទឹកចិត្តឡើងវិញ។ មុនចប់ការ Training ខ្ញុំដាក់ពាក្យធ្វើការហើយជោគជ័យ ក្លាយជាជំនួយការ CEO"។

ទាក់ទងនឹងការចូលរួមវគ្គបណ្ដុះបណ្ដាលរយៈពេលខ្លី នៅក្នុងកម្មវិធីប្រគល់សញ្ញបត្រនិស្សិត២៩នាក់ ដែលបានបញ្ចប់ដោយជោគជ័យនូវការបណ្ដុះបណ្ដាលវគ្គខ្លី (Youth Management Training Program) កាលពីថ្ងៃសុក្រកន្លងទៅ រៀបចំដោយសមាគមអតីតនិស្សិតអាហារូបករណ៍សហរដ្ឋអាមេរិក (FUSSAC) លោក យូ សុគន្ធបញ្ញា ប្រធានសមាគមនេះបានលើកឡើងថា កម្មវិធីបណ្ដុះបណ្ដាលរយៈពេលខ្លីនោះពិតជាមានប្រយោជន៍។ លោកថា នៅប្រទេសកម្ពុជាមានការផ្លាស់ប្ដូរ ការងារប្រើកម្លាំងនឹងផ្លាស់ប្ដូរទៅការប្រើជំនាញច្រើនជាង ដូចនេះការរៀនជំនាញអាចជោគជ័យនៅថ្ងៃខាងមុខ។

ជាចុងក្រោយលោក សុគន្ធបញ្ញាបានផ្ដល់ជាការណែនាំដល់និស្សិតទើបបញ្ចប់ការសិក្សាស្វែងរកការងារ ដោយបានលើកឡើងបីចំណុច ទី១គឺការឲ្យចេះធ្វើការជាក្រុម សហការណ៍គ្នា និងរៀននូវអ្វីដែលនឹងប្រើក្នុងការធ្វើការ ត្រូវនឹងតម្រូវការរបស់ទីផ្សារ។ ទី២រកកន្លែងការងារណា មានការប្រកួតប្រជែងនឹងខ្លួនឯង តាមរយៈការខំប្រឹងប្រែង ដើម្បីទទួលបទពិសោធន៍ថ្មីៗ។ ទី៣គឺបន្តការឆ្ងល់ឲ្យច្រើន ដោយខិតខំរៀននូវអ្វីដែលខ្លួនមានចម្ងល់ និងរួមចំណែកចូលរួមក្នុងការជួយសង្គមផងដែរ៕ អត្ថបទ៖ មាន រតនា

ពាក្យទាក់ទង

ព័ត៌មានសង្គម

អត្ថបទពេញនិយម

ព្រះអាទិត្យ សប្បនិម្មិត របស់ចិន សម្រេចបានកំណត់ត្រាថ្មី ដើម្បីឈានទៅបង្កើត ថាមពលស្អាត

ចំនួនក្រយៅដៃប្រាប់ពី ជោគលាភល្អឬមិនល្អ

ស្ថាប័នធំៗ ៣ បានកោះប្រជុំ ដើម្បីអប់រំណែនាំព្រមគ្នាដល់អ្នកលក់ឡេ មានងារជាឧកញ៉ា Love Riya

ខឹងចាញ់ជើងទី១ Liverpool ដាក់ Spurs ៤-០ វិញដើម្បីឡើងទៅវគ្គផ្ដាច់ព្រ័ត្រ League Cup

រឿងប្លែកជាងគេដើមឆ្នាំ២០២៥! អ្នកកាសែតម្នាក់ ដឹកមីនតោន ប្រគល់ឲ្យសមត្ថកិច្ចប៉ុស្ដិ៍ ត្រូវឃាត់ខ្លួន

ទៅដល់ AC Milan ភ្លាម João Félix ស៊ុតចូលភ្លែត

អត្ថបទថ្មី

ខឹងចាញ់ជើងទី១ Liverpool ដាក់ Spurs ៤-០ វិញដើម្បីឡើងទៅវគ្គផ្ដាច់ព្រ័ត្រ League Cup

អង្គការក្រៅរដ្ឋាភិបាលបារាំង TOUTES À L'ÉCOLE / HAPPY Chandara ចាប់ដៃគូជាមួយ OCIC GROUP ដើម្បីជួយដល់កុមារីដែលកំពុងខ្វះខាត

កម្មវិធី Born for Greatness បើកការដេញថ្លៃសំងាត់ដើម្បីគាំទ្រទៅដល់សាលា Tiny Toones ដែលផ្តល់ការគាំទ្រ និងការការពារដល់កុមារដែលមានហានិភ័យ តាមរយៈសិល្បៈ

ធនាគារ ABA និងក្រសួងពាណិជ្ជកម្ម ដាក់ឲ្យប្រើប្រាស់ផ្លែតហ្វមទូទាត់អនឡាញសម្រាប់ប្រព័ន្ធតម្កល់លិខិតជូនដំណឹងនៃប្រតិបត្តិការដែលមានកិច្ចធានា

ជិះកាត់តាខ្មៅ កុំភ្លេចទៅទទួលកញ្ចប់ពិសេសពីបុរីភ្នំពេញថ្មី គម្រោងតាខ្មៅសិនត្រស់ផាក ចាប់ពីចុងសប្ដាហ៍នេះ