ឆ្មាមួយក្បាលត្រូវជាប់គុកនៅស្រីលង្កា ព្រោះតែមូលហេតុដ៏នឹកស្មានមិនដល់

2020-08-11 01:03:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សត្វឆ្មាមួយក្បាលត្រូវឃុំខ្លួនក្នុងពន្ធនាគារនៃប្រទេសស្រីលង្កាក្រោយប៉ូលិសរកឃើញថាវាបានក្លាយជាឧបករណ៍ដឹកជញ្ជូន និងជួញដូរថ្នាំញៀន របស់ក្រុមឧក្រិដ្ឋជន។

ប៉ូលិសប្រឆាំងការជួញដូរគ្រឿងញៀនបានឲ្យដឹងថាសត្វឆ្មានេះត្រូវគេរុំថ្នាំញៀនប្រភេទហេរ៉ូអ៊ីនជិត២ក្រាម, ស៊ីមកាត និងបន្ទះឈីបផ្ទុកទិន្នន័យមួយនៅនឹង.ករបស់វា ហើយក្រុមឧក្រិដ្ឋជនបានប្រើវាគឺជាអ្នករត់ការ និងជួញដូរថ្នាំញៀនយ៉ាងសកម្ម និងនឹកស្មានមិនដល់។

ក្រោយចាប់វាបានប៉ូលិសបានឃុំឆ្មានេះនៅពន្ធនាគារដ៏ធំមួយកន្លែងឈ្មោះ Welikada ស្ថិតក្នុងទីក្រុង Colombo នៃប្រទេសស្រីលង្កា។ យ៉ាងណាកាលពីចុងសប្ដាហ៍កន្លងទៅ ឆ្មានេះត្រូវបានរាយការណ៍ថាបានរត់គេចចេញពីពន្ធនាគារបាត់ស្រមោលទៅហើយ ខណៈប៉ូលិសកំពុងតាមរកចាប់វាមកវិញ។ គេនៅមិនទាន់ច្បាស់ថាឆ្មានោះរត់ចេញដើម្បីសេរីភាពដូចសត្វដទៃ ឬក៏ដោយសារការបង្វឹកពីក្រុមឧក្រិដ្ឋជនឡើយ។

ស្រីលង្កាគឺជាប្រទេសដែលមានការជួញដូរថ្នាំញៀនខ្លាំងក្លាមួយ ជាមួយនឹងការប្រើវិធីសាស្ត្រប្លែកៗកម្រឃើញនៅប្រទេសដទៃ។ កាលពីមួយរយៈមុនប៉ូលិសបានចាប់សត្វឥន្ទ្រីមួយក្បាលដែលឈ្មួញប្រើប្រាស់ដើម្បីចែកចាយថ្នាំញៀននៅទីក្រុង Colombo ដូចករណីឆ្មានេះដែរ៕