Lindelof ស្រែកជេរ Bruno ជាភាសាព័រទុយហ្គាល់ ក្រោយ Sevilla ស៊ុតចូលគ្រាប់ទី២
- 2020-08-17 01:23:40
- ចំនួនមតិ 0 | ចំនួនចែករំលែក 0
Lindelof ស្រែកជេរ Bruno ជាភាសាព័រទុយហ្គាល់ ក្រោយ Sevilla ស៊ុតចូលគ្រាប់ទី២
ចន្លោះមិនឃើញ
ខ្សែការពារ Victor Lindelof បានខឹងយ៉ាងខ្លាំង ដល់ថ្នាក់ជេរមិត្តរួមក្រុម Bruno Fernandes ក្រោយក្រុម Sevilla រកបានគ្រាប់ទី២ ដែលជាគ្រាប់ជ័យជម្នះ ក្នុងការប្រកួតវគ្គពាក់កណ្ដាលផ្ដាច់ព្រ័ត្រ Europa League យប់មិញនេះ។
នៅពេល Luuk de jong ស៊ុតចូលខ្សែការពារសញ្ជាតិស៊ុយអែត Lindelof ដែលចេះភាសាព័រទុយហ្គាល់ (ធ្លាប់លេងនៅ Benfica ៥ឆ្នាំ) បានស្រែកដាក់ Bruno ថា "Filho da Puta" ដែលមានន័យជាភាសាអង់គ្លេសថា "son of a b****" (ពាក្យជេរ)។ ការជេរបែបនេះ គឺជាការឆ្លើយតបដល់ Bruno ដែលបន្ទោសខ្សែការពារថាមិនបិទ de Jong។
យ៉ាងណាក្ដី Bruno បានឆ្លើយប្រាប់អ្នកកាសែតក្រោយការប្រកួតថា "វាជារឿងធម្មតា នៅពេលដែលក្រុមត្រូវគេស៊ុតចូល ម្នាក់ៗក្នុងក្រុមតែងតែខឹងបែបនេះ។ គ្មានអ្វីកើតឡើងនោះទេ ហើយវាជារឿងធម្មតា។ វាកើតឡើងសម្រាប់ក្រុមផ្សេងៗដូចគ្នា។ អ្វីដែលយើងត្រូវធ្វើ គឺពិនិត្យមើលឡើងវិញ នូវកំហុសដែលគ្រប់គ្នាបង្កើតអំឡុងការប្រកួត"។
ចំណែក លោក Ole ក៏មិនបានរិះគន់កីឡាករទាំង២ ចំពោះការប៉ះទង្គិចពាក្យសម្ដីគ្នានេះដែរ។ លោកគ្រាន់តែថា វាជាគ្រាប់បាល់ដ៏គួរឲ្យខកចិត្ត។
សូមបញ្ជាក់ថា Man Utd បានធ្លាក់ចេញពី Europa League ក្នុងវគ្គពាក់កណ្ដាលផ្ដាច់ព្រ័ត្រ ក្រោយចាញ់ Sevilla ២-១៕
ទស្សនាវីដេអូខាងក្រោមនេះ៖
ចុចអាន និងទស្សនាវីដេអូហាយឡាយ៖ Man Utd ស៊ុត ២០ ជើង ចូលតែបាល់ប៉េណាល់ទី១ ធ្លាក់ចេញពី Europa League ទាំងចុកចាប់