ល្ហិចល្ហៀងទៀតហើយ! ផលិតករហង្សមាសម្នាក់ ចាប់ដៃជាមួយ វី ជីវ័ន្ដ បង្កើតក្រុមច្រៀងផ្ទាល់ខ្លួន
- 2020-09-23 03:51:03
- ចំនួនមតិ 0 | ចំនួនចែករំលែក 0
ល្ហិចល្ហៀងទៀតហើយ! ផលិតករហង្សមាសម្នាក់ ចាប់ដៃជាមួយ វី ជីវ័ន្ដ បង្កើតក្រុមច្រៀងផ្ទាល់ខ្លួន
ចន្លោះមិនឃើញ
ទំនាក់ទំនងរបស់ផលិតករ១រូបប្រចាំនៅផលិតកម្មរស្មីហង្សមាស ជាមួយតារាសម្ដែងបែបថ្លុក និងជាតន្ត្រីករ វី ជីវ័ន្ដ បានក្លាយជាសម្ពន្ធភាពម៉ឺនឆ្នាំ។ ថ្មីៗនេះ មានលេចឮថា ពួកគេគ្រោងបង្កើតអាល់ប៊ូមបទចម្រៀងថ្មីដោយខ្លួនឯង ដោយម្នាក់ជាអ្នកច្រៀង និងម្នាក់ទៀតជាអ្នកនិពន្ធ។
លោក វី ជីវ័ន្ដ ដែលជាដៃគូសហការក្នុងការបង្កើតក្រុមម្រៀងថ្មីនេះ ទទួលស្គាល់ថា រូបលោកពិតជាមានគម្រោងបង្កើតអាល់ប៉ូមចម្រៀងដោយខ្លួនឯងមែន។ លោកបង្ហើបថា វាអាចនឹងចាប់ផ្ដើមនៅចុងឆ្នាំ២០២០ នេះ។ ក្រៅពីរូបលោក និងមិត្ដម្នាក់នៅហង្សមាស លោកក៏មានក្រុមការងារពីរបីនាក់ផ្សេងទៀតដែរ ត្រៀមចាំជួយលើរឿងនេះ។
បើតាមលោក វី ជីវ័ន្ដ ការបង្កើតស្ទូឌីយោ និងទិញចូលសម្ភារៈបច្ចេកទេសផ្សេងៗ គឺជាបន្ទុកផ្ទាល់ខ្លួនរបស់លោក និងមិត្តភ័ក្ដិម្នាក់។ លោកថា Original Song ដែលប្រិយមិត្ដ នឹងបានស្ដាប់ឮមុនគេនោះ គឺជាបទដែលមានចង្វាក់រ៉ុកខេនរ៉ូល(Rock Can Roll)។ ចំពោះបទញាក់កន្ទ្រាក់អារម្មណ៍ផ្សេងទៀត នឹងចេញបន្ដបន្ទាប់គ្នានោះ។
តារាសម្ដែង និងជាតន្ដ្រីករមានសក់វែងកន្ទ្រើង រូបសង្ហា វី ជីវ័ន្ដ មានជំនឿថា រូបលោក និងមិត្ដភ័ក្ដិអាចដំណើរការបង្កើតអាល់ប៊ូមបទចម្រៀងថ្មីផ្ទាល់ខ្លួននេះបាន ព្រោះលោក និងក្រុមការងារមានបទពិសោធន៍លើការនិពន្ធបទចម្រៀង និងលេងភ្លេងនេះច្រើនឆ្នាំស្រាប់ហើយ៕