ឡុង សុភី៖ ប្រកួតយប់មិញមិនទំនងចាញ់សោះ ឲ្យចាញ់ទៀត

2020-09-28 02:36:33
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងជង្គង់មកពីខេត្តបាត់ដំបង ឡុង សុភី ថាប៉ះគ្នាជាមួយ ពុទ្ធ ឆាយរិទ្ធី យប់មិញមិនសមចាញ់សោះ ខ្លួនវ៉ៃពេញៗ ហ្នឹងឈ្នះសឹងគ្រប់ទឹកទៅហើយប៉ុន្តែចុងក្រោយបែរជាចាញ់វិញ។

ឡុង សុភី (ក្រហម)

ឡុង សុភី បានឲ្យដឹងថា យប់មិញនេះមិនសមណាឲ្យខ្លួនចាញ់កីឡាករ ពុទ្ធ ឆាយរិទ្ធី នោះទេ ព្រោះខ្លួនវ៉ៃចេញបានពេញៗ ខណៈដៃគូវិញចេញច្រើនប៉ុន្តែមិនសូវត្រូវ ចេញបានតែហៅថាចេញមិនមានត្រង់ណាយកពិន្ទុបាន។ ពីទឹកទី១-២-៣ និងទឹក៥ សុភី យល់ឃើញថាខ្លួនពិតជាមានប្រៀប ឬឈ្នះតែម្ដង ប៉ុន្តែលទ្ធផលបែរជាដូច្នេះវិញ។

ឡុង សុភី (ក្រហម)

កីឡាករចាស់វស្សាខាងលើនេះបន្តប្រាប់ទៀតថា ខ្លួនពិតជាមិនអស់ចិត្តទៅហ្នឹងលទ្ធផលជាមួយ ពុទ្ធ ឆាយរិទ្ធី នេះណាស់ហើយនេះមិនមែនជាលើកទី១ ឡើយហើយក៏មិនយល់ការពិន្ទុ ឬការផ្ដល់ឲ្យ ពុទ្ធ ឆាយរិទ្ធី ឈ្នះត្រង់ចំណុចណាដែរ។ រំលឹកដែរថា យប់មិញនេះ ឡុង សុភី ចាញ់ពិន្ទុកីឡាករ ពុទ្ធ ឆាយរិទ្ធី ក្នុងកម្មវិធីប្រដាល់ខារ៉ាបាវ នៅលើសង្វៀនបាយ័ន៕

អត្ថបទ៖ នួន ស៊ីណា