ហុង ផេង អាចចូលហ្វឹកហាត់វិញ ក្រោយធូរស្រាលពីរបួស
- 2020-09-29 03:10:17
- ចំនួនមតិ 0 | ចំនួនចែករំលែក 0
ហុង ផេង អាចចូលហ្វឹកហាត់វិញ ក្រោយធូរស្រាលពីរបួស
ចន្លោះមិនឃើញ
ប្រធានក្រុមបឹងកេត ហុង ផេង នឹងវិលចូលទីលានហ្វឹកហាត់វិញ នៅសប្ដាហ៍នេះក្រោយបានធូរស្រាលពីរបួសជង្គង់ ដែលបានកើតឡើងក្នុងអំឡុងហ្វឹកហាត់។
អតីតខ្សែការពារជម្រើសជាតិ និងជាកីឡាករសំខាន់របស់បឹងកេតរូបនេះបានឲ្យដឹងថា គេបានធូរស្រាលច្រើនហើយ។ មិនយូរទេ នឹងវិលចូលទីលានហ្វឹកហាត់ជាមួយក្រុមវិញបាន ដែលអាចទំនងជាពាក់កណ្ដាលសប្ដាហ៍នេះ។
សម្រាប់ការបង្ហាញខ្លួនជួយក្រុមលេងទល់ ទ័ព រូបគេមិនទាន់ប្រាកដទេ ពីព្រោះរបួសទើបតែជា។ ប៉ុន្តែជុំវិញរឿងបានលេងឬអត់ ត្រូវសម្រេចទៅលើលោក គីម ភក្ដី ដែលជាគ្រូបង្វឹកជាអ្នកសម្រេច។
ហុង ផេង ត្រូវបានគេមើលឃើញថា ខកខានជួយក្រុមមួយរយៈហើយ ដែលតំណែងប្រធានក្រុមត្រូវបានធ្លាក់ទៅលើ ទេស សម្បត្តិ ជាអ្នករាប់រង។ បឹងកេតបច្ចុប្បន្នកំពុងស្ថិតនៅកំពូលលីគកំពូលកម្ពុជាគិតត្រឹមសប្ដាហ៍ទី១៦ រកបាន ៣៧ ពិន្ទុ តាមពីក្រោយដោយ ព្រះខ័នរាជស្វាយរៀង ដែលមាន ៣៥ ពិន្ទុ ៕