ប្រកួតយប់មិញ រថថាំង ចូលកែងប៉ើងជិត២ម៉ែត្រ តែមិនសន្លប់ងើបមកវាយទៀត
- 2020-10-06 02:39:04
- ចំនួនមតិ 0 | ចំនួនចែករំលែក 0
ប្រកួតយប់មិញ រថថាំង ចូលកែងប៉ើងជិត២ម៉ែត្រ តែមិនសន្លប់ងើបមកវាយទៀត
ចន្លោះមិនឃើញ
បន្ទាប់ពីរងចាំអស់រយៈពេលជាយូរ ទីបំផុតអ្នកប្រដាល់ថៃ Rodtang Jitmuagnon អាចសងសឹកសិស្សច្បង Kaonar PK Saenchai បានសម្រេចកាលពីយប់មិញ។
ជើងខ្លាំងលំដាប់ A របស់ប្រទេសថៃទាំងពីរធ្លាប់ប៉ះគ្នាម្ដងហើយកាលពីដើមឆ្នាំ២០២០នៅសង្វៀន Rajadamnern ដោយកាលនោះ Kaonar ជាអ្នកឈ្នះពិន្ទុ។ យ៉ាណាមិញ Rodtang ត្រូវបានផ្ដល់ឱកាសឲ្យសងសឹក ដែលរៀបចំក្នុងកម្មវិធី R1UFA។
ក្នុងការប្រកួតដែលមានអ្នកទស្សនាផ្ទាល់តាមផេក MuayR1 ជិត១០ម៉ឺននាក់ កីឡាករទាំងពីរបានប្រកួតគ្នាយ៉ាងជក់ចិត្ត។ អ្វីដែលធ្វើឲ្យអ្នកគាំទ្រសរសើរនោះគឺក្នុងទឹកទី៣ Rodtang បានចូលមួយកែងពេញ ប៉ើងជិត២ម៉ែត្រឯណោះ ប៉ុន្តែគេបានក្រោកឡើងលឿនក្នុងសភាពធម្មតារួចប្រកួតបន្ត។
តាមរយៈការប្រកួត៥ទឹកពេញ ប្រើរន្ទះជើងនិងកណ្ដាប់ដៃធ្ងន់ៗ Rodtang Jitmuagnon ត្រូវបានចៅក្រមកាត់សេចក្ដីឲ្យឈ្នះពិន្ទុលើ Kaonar PK Saenchai៕