Hacker ចិត្តល្អ បានលុយ ២៨ម៉ឺនដុល្លារពី Apple
- 2020-10-09 02:59:13
- ចំនួនមតិ 0 | ចំនួនចែករំលែក 0
Hacker ចិត្តល្អ បានលុយ ២៨ម៉ឺនដុល្លារពី Apple
ចន្លោះមិនឃើញ
រយៈពេលជាច្រើនខែមកនេះ Network របស់ក្រុមហ៊ុន Apple ប្រឈមនឹងការ Hack ដែលអាចឲ្យគេលួចបានទិន្នន័យរសើបពីអតិថិជនមានឥទ្ធិពលរាប់លាននាក់របស់ Apple។ នេះបើតាមការលើកឡើងរបស់អ្នកស្រាវជ្រាវផ្នែកសុវត្ថិភាពម្នាក់។
Sam Curry វ័យ ២០ឆ្នាំ ជាអ្នកស្រាវជ្រាវដែលជំនាញខាងសុវត្ថិភាពលើវិបសាយបាននិយាយថា សរុបមករូបគេ និងសមាជិកក្រុមបានរកឃើញចន្លោះប្រហោងចំនួន ៥៥ ដែល Apple មាន។ យុវជនរូបនេះបានចាត់ទុកចន្លោះប្រហោងចំនួន ១១ ថាជាចន្លោះប្រហោងធំដោយសារចន្លោះប្រហោងទាំងនោះអាចឲ្យរូបគេបញ្ជាលើហេដ្ឋារចនាសម្ព័ន្ធសំខាន់របស់ Apple ដែលតាមរយៈនេះគេអាចលួចយកអ៊ីមែលឯកជន ទិន្នន័យ iCloud និងព័ត៌មានសំខាន់ដទៃទៀតរបស់អ្នកប្រើប្រាស់។
Apple បានជួសជុលនូវចន្លោះ ដែល Sam បានរាយការណ៍ជាបន្តបន្ទាប់ក្នុងរយៈពេលជាង ៣ខែ។ មកទល់ពេលនេះ Apple បានជួសជុលចន្លោះប្រហោងបានពាក់កណ្ដាលហើយ និងបានផ្ដល់ប្រាក់រង្វាន់ចំនួន ២៨៨ ៥០០ដុល្លារ ដល់ Sam និងសមាជិកក្រុមផងដែរ។ Sam និយាយថាប្រាក់រង្វាន់សរុបដែលខ្លួន និងសមាជិកក្រុមអាចទទួលបានគឺនឹងមានលើសពី ៥០ម៉ឺនដុល្លារ៕