ពិសេស! Futsal ថ្នាក់ជាតិឆ្នាំ២០២០នេះ មានក្រុមមកពីតាមខេត្តដល់ទៅ៣ឯណោះ

2020-10-24 05:26:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតពានរង្វាន់ Futsal ថ្នាក់ជាតិនៅឆ្នាំ២០២០នេះ ទទួលបានដៃគូសហការថ្មីហើយគឺក្រុមហ៊ុន Tiger ទទួលបានសិទ្ធិឧបត្ថម្ភផ្ដាច់មុខតែម្ដងដល់ឆ្នាំ២០២២ខាងមុខ។

ក្រោយពីទទួលបានដៃគូថ្មីនេះហើយ ការប្រកួតនៅរដូវកាលនេះក៏មានក្រុមចូលរួមយ៉ាងច្រើនកុះករផងដែរ ជាពិសេសមានក្រុមមកពីបណ្ដាខេត្ត៣មកប្រកួតប្រជែងជាមួយក្រុមនៅរាជធានីភ្នំពេញថែមទៀតផង។ សរុបក្រុមចូលរួមទាំងអស់មាន២៥ក្រុម ហើយ៣ក្រុមមកពីខេត្តមាន ស្នងការដ្ឋាននគរបាលខេត្តកំពត ក្រុមស៊ីសុផុន មកពីបន្ទាយមានជ័យ និងក្រុមអាចារ្យលាក់កំពង់ធំ។

ការប្រកួតនឹងធ្វើតាមរយៈការលេងវិលជុំ ហើយបែងចែក២៥ក្រុមនេះជា៥ពូល លេងសន្សំពិន្ទុ យកលេខ១ទាំង៥ពូល និងយកលេខ២ល្អបំផុត៣ក្រុមឡើងទៅលេងវគ្គបន្ទាប់ទៀត។ ការប្រកួតនឹងចាប់ផ្ដើមលេងនៅថ្ងៃទី៧ខែវិច្ឆិកាឆ្នាំ២០២០នេះ រហូតដល់ថ្ងៃ២៧ខែធ្នូឆ្នាំ២០២០។