ឆ្ងល់អត់ ពេលនៅក្បែរស្រីៗម្តងៗ ចេះតែមានអារម្មណ៌ចង់ផុតៗ ពិបាកដកដង្ហើម ទន់ដៃទន់ជើង ហើយដឹងអត់ ថាហ្នឹងជារោគសញ្ញាអីគេ? វាជាការភ័យខ្លាច ដែលកើតចេញពីការទទួលរងបទពិសោធន៌អ្វីមួយពីមនុស្សស្រី ដូចជាការដែលត្រូវមនុស្សស្រីបដិសេធរឿងស្នេហា ឬការខូចចិត្តក្រោយបែកបាក់ស្នេហា អីជាដើម។

អ្នកប្រវត្តិវិទូ បានអោយនិយមន័យនៃ ភាពភ័យខ្លាចចំពោះមនុស្សស្រី ជាការធ្វើអោយបុរសមានអារម្មណ៌ទន់ជ្រាយ លែងមានភាពរឹងមាំ ជាមនុស្សប្រុស ហើយទង្វើទាំងនោះ នឹងធ្វើអោយបុរសមិនតិចទេ ដែលថមថយ ខ្លាចស្នេហា ឬនិយាយបានថា រាងចាល ឬខ្លាចមនុស្សស្រីតែម្តង។ យើងអាចសង្កេតបានតាមរយៈសកម្មភាពខាងក្រោម ថាតើគាត់កំពុងតែមានជំងឺខ្លាចមនុស្សស្រី ៖

• គ្រាន់តែគិត ឬនិយាយពីមនុស្សស្រី គាត់មានអារម្មណ៌ភ័យខ្លាច ឬបារម្ភភ្លាមៗតែម្តង
• គាត់មិនអាចគ្រប់គ្រងអារម្មណ៌ដែលភ័យខ្លាចនោះបាន
• ថប់អារម្មណ៌ ពេលមនុស្សស្រី នៅក្បែរ ហើយស្និទ្ធស្នាលនឹងខ្លួន
• ធ្វើខ្លួនឆ្ងាយៗ ពីមនុស្សស្រី មិនសូម្បីតែមើលមុខ កុំថានិយាយរក
• គ្រប់គ្រងសកម្មភាពប្រចាំថ្ងៃលែងបាន អោយតែឃើញមនុស្សស្រី
• បង្ហាញចេញនូវអាការរៈមួយចំនួនដូចជា តឹងណែនក្នុងទ្រូង បែកញើស បេះដូងលោតញាប់ និងពិបាកដកដង្ហើម មិនត្រឹមតែប៉ុណ្ណោះ អោយតែគិតពីមនុស្សស្រី អស់កម្លាំង ល្ហឹតល្ហៃ។ អាការៈភ័យខ្លាចមួយនេះ ក៏កើតលើកុមារ និងស្រ្តី ផងដែរ គ្រាន់តែក្នុងទម្រង់ផ្សេងៗពីគ្នា៕

ការភ័យខ្លាចរបៀបនេះ ជាស្រមោល ដែលអាចព្យាបាលបាន ដូច្នេះសូមកុំអោយស្រមោលនេះ នៅបន្តលងអ្នកអោយសោះ មិនចឹង ប្រាកដណាស់ អ្នកច្បាស់ជានៅលីវ១ជីវិតមិនខានទេ៕

ប្រភព៖ healthline   ប្រែសម្រួល៖​ Art