ទីបំផុត iPhone 5c ក្លាយជាផលិតផលបុរាណហើយ
- 2020-11-04 01:56:54
- ចំនួនមតិ 0 | ចំនួនចែករំលែក 0
ទីបំផុត iPhone 5c ក្លាយជាផលិតផលបុរាណហើយ
ចន្លោះមិនឃើញ
Apple បានធ្វើការកែសម្រួលបញ្ជីផលិតផលចាស់បុរាណដោយបានបន្ថែម iPhone 5c ចូលក្នុងបញ្ជី។
iPhone ដំបូងគេដែលមានជម្រើសពណ៌ស្រស់ៗជាច្រើន នាពេលនេះបានក្លាយជាផលិតផលចាស់ ដែលមានន័យថា Apple លែងផ្ដល់ជូនសេវាកម្មចំពោះម៉ូដែលនេះតទៀត។ ផលិតផលដែល Apple បញ្ចូលក្នុងបញ្ជីខាងលើ គឺនៅពេលដែលវាលែងមានលក់លើទីផ្សារចាប់ពី ៥ឆ្នាំឡើងទៅ រាប់បញ្ចូលទាំងកុំព្យូទ័រ Mac, iPhone, iPad, iPod, Apple TV និងផលិតផល Apple ដទៃទៀត។
iPhone 5c បង្ហាញខ្លួនដំបូងនៅក្នុងខែកញ្ញា ឆ្នាំ ២០១៣ ដែលជាប្រភេទធូរថ្លៃនៃ iPhone 5។ វាមានបំពាក់ឈីប A6, អេក្រង់ LCD ទំហំ ៤អ៊ីញ និងកាមេរ៉ាទំហំ 8MP។ iPhone 5s ដែលប្រកាសចេញដំណាលគ្នានឹង iPhone 5c នៅមិនទាន់ចាត់ទុកជាផលិតផលចាស់នៅឡើយទេ ដោយសារវាមានដាក់លក់យូរជាង៕