តោះ...បន្តកម្ទេចកូវីដ-១៩ យើង! តារាខ្មែរ៤ ដួង ចេញមុខផ្ដល់គំរូមុនគេ

2020-11-19 08:27:12
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង និងតារាសម្ដែងខ្មែរ៥ ដួង បានចេញមុខមុនគេក្នុងយុទ្ធនាការប្រយុទ្ធប្រឆាំងមេរោគកូវីដ-១៩ នៅកម្ពុជា ជាមួយអង្គការយូនីសេហ្វ(Unicef)ដែលបានឧបត្ថម្ភសាប៊ូលាងសម្អាតដៃចំនួន២៥ម៉ឺនដុំ តាមរយៈក្រុមហ៊ុនថ្នាំដុសធ្មេញខលហ្គេតដល់ប្រជាជនកម្ពុជា។

នៅរសៀលថ្ងៃទី១៩ ខែវិច្ឆិកា ឆ្នាំ២០២០ នេះ គេឃើញតារាសម្ដែង នូ ឧសភា ពិធីករ ជា វណ្ណរិទ្ធ តារាចម្រៀង ពៅ ពិសី និងលោក រ៉េននី ដារ៉ា បានទទួលសាប៊ូគ្រប់គ្នា ហើយបានក្រើនរំលឹកដល់ពលរដ្ឋទូទៅ ជាពិសេសអ្នកគាំទ្រឲ្យខ្លួនឲ្យចេះមានអនាម័យដោយលាងដៃនឹងសាប៊ូ។ ពួកគេក៏បានអំពាវនាវដល់ហ្វេនៗដោយប្រើប្រយោគថា"សូមលាងសម្អាតដៃឲ្យបានញឹកញាប់ដើម្បីសុវត្ថិភាព និងសុខភាពល្អទាំងអស់គ្នា"។

រូបភាព៖ហ្វេសប៊ុក រ៉េនី ដារ៉ា

យោងតាមបដាដែលបានបង្ហោះតាមបណ្ដាញសង្គមដោយក្រុមតារាល្បីៗនៅកម្ពុជានារសៀលនេះ បង្ហាញថា អង្គការសុខភាពពិភពលោកបានបង្កើតយុទ្ធនាការដើម្បីប្រយុទ្ធប្រឆាំងនឹងជំងឺកូវីដ-១៩ ដែលមានឈ្មោះថា"Safehands Challege"។ អង្គការសុខភាពពិភពលោក ដោយមានការសហការជាមួយអង្គការយូនីសេហ្វ និងដៃគូពាក់ព័ន្ធបានឧបត្ថម្ភសាប៊ូលាងដៃចំនួន២៥លានដុំដល់ពិភពលោក ក្នុងនោះកម្ពុជាទទួលបាន២៥ម៉ឺនដុំ៕

អត្ថបទ៖ ជិន សុភ័ក្ដ្រ