«ខ្ញុំអាចលេចធ្លោនៅឥណ្ឌា ប្រេស៊ីល ថៃ និងអាហ្រ្វិក ប៉ុន្តែប្រសិនបើខ្ញុំមិនលេចធ្លោនៅអឺរ៉ុប និងអាមេរិកទេនោះ ខ្ញុំមិនមែនជាយីហោលំដាប់សកលទេ»។ នេះជាការលើកឡើងរបស់លោក Siddhartha Lal។ ទោះបីជាមានការជាប់គាំង និងការភ័យខ្លាចជាមួយនឹងគូប្រជែងដែលកើនឡើងយ៉ាងខ្លាំងពីមួយថ្ងៃទៅមួយថ្ងៃ Royal Enfield នៅតែរក្សាជំហរ និងធ្វើការបត់បែនបានយ៉ាងល្អ ដោយផ្អែកលើតម្រូវការទីផ្សារ។

លោក Siddhartha Lal ដែលជាអ្នកស្នងមរតកក្រុមហ៊ុនផលិតរថយន្តដែលគ្រប់គ្រងលើក្រុមហ៊ុន Royal Enfield បានមានប្រសាសន៍ថា៖ «យីហោទាំងនេះអាចមានភាពអស្ចារ្យនៅក្នុងប្រទេសឥណ្ឌា ប្រេស៊ីល អាហ្វ្រិក និងផ្នែកផ្សេងទៀតនៃអាស៊ី ដូច្នេះហេតុអ្វីបានជាម៉ាកសកលនេះមិនអាចនៅផ្នែកផ្សេងទៀត នៃលោកខាងលិចបាន?»។

លោកមានសុទិដ្ឋិនិយមថា ការលក់របស់ Royal Enfield នឹងបន្តកើនឡើងយ៉ាងខ្លាំងនៅលើទីផ្សារដោយមិនគិតពីការដេញតាមរបស់គូប្រជែងឡើយ។ Royal Enfield នឹងឈ្នះការចាប់អារម្មណ៍របស់ពិភពលោក ជាមួយនឹងការរចនាម៉ូតូ ដែលចំណាយតិចជាងម៉ូតូដែលផលិតដោយគូប្រជែង ហើយប្រហែលជាទាក់ទាញអ្នកជិះក្មេងៗងាកមកចាប់អារម្មណ៍ឡើងវិញ ខណៈបច្ចុប្បន្នកំពុងពេញនិយមសម្រាប់អ្នកវ័យចំណាស់។

ផ្ដើមចេញពីអ្នកផលិតកង់នៅ Midlands ប្រទេសអង់គ្លេស Royal Enfield បានទទួលឈ្មោះរបស់ខ្លួនបែបនេះ នៅពេលដែលត្រូវបានធ្វើកិច្ចសន្យាដើម្បីផលិតគ្រឿងបន្លាស់ សម្រាប់រោងចក្រ Royal Small Arms នៅ Enfield ខាងក្រៅទីក្រុងឡុងដ៍ ក្នុងឆ្នាំ ១៨៩៣។ បច្ចុប្បន្នក្រុមហ៊ុននេះកំពុងធ្វើការភ្នាល់កាន់តែច្រើនលើប្រទេសអ៉ីតាលី ដែលអ្នកផលិតដូចជា Ducati និងម៉ូតូឥណ្ឌា បានតស៊ូអស់រយៈពេលជាងមួយទសវត្សរ៍ដើម្បីពង្រីកការលក់។ ប្រសិនបើក្រឡេកមើលទៅផែនទី នឹងបង្ហាញពីរបៀបដែល Siddhartha Lal, MD នៃក្រុមហ៊ុន Eicher Motors ដែលបានបង្កើតយីហោ Royal Enfield ដែលមានក្នុងពេលសព្វថ្ងៃនេះ ហើយអ្នកនឹងភ្ញាក់ផ្អើលថាហេតុអ្វីបានជាវាល្អឯក និងប្លែកយ៉ាងនេះ។

យោងតាមលោក Lal បានឲ្យដឹងថា ភាគច្រើនក្រុមហ៊ុនចូលចិត្តទម្លាប់ផ្តល់ជូនការបញ្ចុះតម្លៃទៅលើម៉ូតូរបស់ខ្លួន ជាផ្នែកមួយដើម្បីបង្កើនការបញ្ជាទិញនៅរោងចក្រម៉ាកថ្មី ដែលខ្លួនបានសាងសង់នៅឥណ្ឌាខាងលិច។ ជាជាងការជម្រុញការលក់ដោយសម្រុក អ្នកគ្រប់គ្រងរូបនេះបានរកឃើញថា យុទ្ធសាស្រ្តបញ្ចុះតម្លៃនេះ បានធ្វើឲ្យអតិថិជនស្មោះត្រង់ភាគច្រើនមានការស្ទាក់ស្ទើរក្នុងការបង់ថ្លៃពេញ។ ដូច្នេះចាប់តាំងពីពេលនោះមក គាត់បានចុះហត្ថលេខាលើលិខិតមួយ ទៅរាល់អ្នកចែកចាយ Royal Enfield ណែនាំពួកគេឲ្យប្រាប់អតិថិជនថាសម្រាប់ឆ្នាំក្រោយនឹងមិនមានការបញ្ចុះតម្លៃទេ។

លោកក៏បានបន្ថែមថា ក្រៅពីយុទ្ធសាស្រ្តបញ្ចុះតម្លៃ Royal Enfield ក៏រួមបញ្ចូលនូវយុទ្ធសាស្រ្ត 4Ps (ផលិតផល តម្លៃ ទីកន្លែង និងការផ្សព្វផ្សាយ) ដែលជួយឲ្យក្រុមហ៊ុនសម្រេចបាននូវគោលដៅអាជីវកម្មនាពេលបច្ចុប្បន្ន។ ដោយសារតែផលិតផលមិនត្រឹមតែត្រូវបានជំរុញដោយការច្នៃប្រឌិតប៉ុណ្ណោះទេ ប៉ុន្តែបន្ថែមជាមួយការយល់ដឹងពីអ្នកប្រើប្រាស់ ទីផ្សារ និងអ្នកប្រកួតប្រជែង ដូច្នេះឥឡូវនេះ Royal Enfield បាននិងកំពុងផ្លាស់ប្តូរពីវិធីសាស្រ្តផលិតដើម្បីក្លាយជាយីហោដែលមានអ្នកប្រើប្រាស់កាន់តែច្រើន។

នៅពេលនិយាយអំពីយុទ្ធសាស្ត្រតម្លៃ Royal Enfield ផ្តោតលើអ្នកជិះដែលចូលចិត្តស្វែងយល់ និងចាប់យកម៉ូតូថ្មីៗ ដែលពិបាកក្នុងការរចនាព្រោះប្រជាជនទាំងនេះផ្តោតលើគុណភាពច្រើនជាងតម្លៃ។ ជាមួយនឹងគោលដៅដែល Royal Enfield បានកំណត់ក្នុងការផលិតតិច ជាមួយម៉ូឌែលមិនច្រើនប្រភេទ ប៉ុន្តែម៉ូឌែលនីមួយៗមានគុណភាពខ្ពស់ដែលជួយពួកគេក្នុងការផ្តល់ជូននូវផលិតផលដែលមានសមត្ថភាព និងទាន់សម័យ នៅក្រោមម៉ាករបស់ខ្លួនដល់អ្នកប្រើប្រាស់របស់ពួកគេ ដែលទទួលយកផលិតផលដោយមិនគិតពីតម្លៃពិសេស។

Royal Enfield ដែលមានរោងចក្រផលិតកណ្ដាលនៅមូលដ្ឋាននៅ Chennai ឥឡូវនេះកំពុងប្រតិបត្តិការនៅក្នុងប្រទេសជាង ៥០ នៅទូទាំងពិភពលោក។ ម៉ូតូ Royal មានបណ្តាញចែកចាយដ៏ធំទូលាយ និងរឹងមាំដែលរួមបញ្ចូលគោលដៅរបស់ឈ្មួញ និងឈ្មួញ ដូច្នេះអតិថិជនត្រូវការនឹងពេញចិត្តគ្មានទាស់នោះទេ។ ដោយឡែកជាមួយនឹងការផ្ដល់ជូន និងការផ្សាយពាណិជ្ជកម្មចុងក្រោយ ដើម្បីបង្កើនបរិមាណម៉ូតូដែលបានលក់ Royal Enfield បានសំរេចចិត្តផ្តោតការយកចិត្តទុកដាក់កាន់តែច្រើនទៅលើតម្រូវការរបស់អតិថិជនជាជាងវិស្វកម្ម។ ដោយឃើញថាអតិថិជនសំខាន់របស់ពួកគេ គឺជាមនុស្សវ័យកណ្តាលដែលមានទំនោរទៅរកបច្ចេកវិទ្យាឌីជីថល ដូច្នេះ Royal Enfield ផ្តោតសំខាន់លើទីផ្សារឌីជីថល អ៉ីនធឺណេតតាមរយៈការបើកយុទ្ធនាការតាមអ៉ីនធឺណេតជាច្រើននៅលើគេហទំព័រប្រព័ន្ធផ្សព្វផ្សាយសង្គមផ្សេងៗគ្នា ដូចជា Facebook, twitter, Instagram និងផ្សេងៗទៀត។

សរុបមកពីយុទ្ធសាស្រ្តទីផ្សារខាងលើបូកនឹងអ្វីដែលលោក Siddhartha Lal បានលើកឡើងចាប់តាំងពីកន្លែងដំបូង នឹងត្រូវបានអនុវត្តល្អបំផុតនៅក្នុងទីផ្សារប្រទេសកម្ពុជា។ ជាក់ស្ដែងនៅក្នុងត្រីមាសទី១ នៃឆ្នាំ ២០២១ Royal Enfield Cambodia មានសេចក្តីសោមនស្សរីករាយក្នុងការស្វាគមន៍សមាជិកថ្មីរបស់ក្រុមហ៊ុន គឺ Meteor 350cc ដែលកង់ទាំងពីររបស់ម៉ូឌែលនេះត្រូវបានគេស្គាល់ថា “Miss Out On Nothing”៕