ខណៈ​ពេល​ដែល​ក្រុមហ៊ុន​ជា​ច្រើន​កំពុង​កាត់​បន្ថយ​ការ​ចំណាយ ដើម្បី​រក្សា​លំនឹង​របស់​ខ្លួន​សម្រាប់​ប្រយុទ្ធ​នឹង​ទីផ្សារ​ក្នុង​ពេល​កូវី19 និង ក្រោយកូវីដ19នោះ ក្រុមហ៊ុនចែកចាយនាឡិកា​ដៃ​ដ៏​លេចធ្លោ​មួយ​ក្នុង​ប្រទេស​កម្ពុជា​ដែល​គេ​ស្គាល់​ថា​ជា​អ្នក​នាំ​ចូល​និង​ចែក​ម៉ាក​នាឡិកា​ដៃ​អន្តរជាតិ​ជា​ច្រើនដូចជា Ice-Watch Versus Versace Nautica Boccia Superdry និង Versace ​បាន​សហការ​ជាមួយ​ក្រុមហ៊ុន​យក្ស​ដែល​ចែកចាយ​នាឡិកា​ដៃ​អន្តរជាតិ​ល្បីៗ​របស់​អាមេរិក Fossil Group នាំចូលនូវ​ម៉ាក​នាឡិកា​ដៃ៧ម៉ាក​បន្ថែម​ទៀត​ចូល​មក​ក្នុង​ទីផ្សារ​កម្ពុជា។ នេះ​បើ​យោង​តាម​ការ​ប្រកាស​ជា​ផ្លូវការ​របស់​គណនី​ហ្វេសបុក​របស់​ក្រុមហ៊ុន​ផ្ទាល់។

តាម​ប្រភព​ច្បាស់លាស់​មួយ​ពី​ក្រុមហ៊ុន​បាន​បញ្ជាក់​ថា ការ​នាំ​ចូល​បន្ថែម​ម៉ាក​អន្តរជាតិ​មក​ចែកចាយ​ក្នុង​ទីផ្សារ​កម្ពុជា ជា​ផ្លូវ​មួយ​ដែល​ធ្វើ​ឲ្យ​ក្រុមហ៊ុន​នេះ នឹង​ក្លាយ​ជា​ក្រុមហ៊ុន​មួយ​ដែល​មាន​ម៉ាក​នាឡិកា​ដៃ​ចែកចាយ​ច្រើន​ជាង​គេ​ក្នុង​ប្រទេស​កម្ពុជា។ ម៉ាក​នាឡិកា​ដៃ​ដែល​ក្រុមហ៊ុន​បាន​នាំ​ចូល​មក មាន​ដូច​ជា Fossil, Skagen, Emporio Armani, Armani Exchange, Michael Kors, Elle ដែល​ ៧ ​ម៉ាកនេះកំពុងតែទទួលបានការចាប់​អារម្មណ៍​គួរ​អោយ​កត់​សំគាល់​លើ​ទីផ្សារ​អន្តរជាតិ​ផងដែរ។

សូម​បញ្ចាក់​ថា ក្រុមហ៊ុន វ៉តឆ៍អេមផាយអឺ (Watch Empire Co.,Ltd) បាន​បង្កើត​ឡើង​នៅ​ក្នុងឆ្នាំ២០១៤​ គិតមកដល់បច្ចុប្បន្នមានអាយុកាល៦ឆ្នាំហើយ ដែលកាលពីដំបូងក្រុមហ៊ុននេះបានចាប់ផ្ដើមមក មានតែមួយម៉ាកផលិតផលតែ​ប៉ុណ្ណោះ​គឺ​ម៉ាកនាឡិកាដៃ Ice-Watch។ ហើយនៅក្នុងឆ្នាំ២០២០នេះក្រុមហ៊ុននេះមានម៉ាកអន្តរជាតិរហូតដល់១៦ម៉ាក សម្រាប់ចែកចាយនៅក្នុងដៃ។ នេះវាបានបង្ហាញយ៉ាងច្បាស់ពីការរីកចម្រើនរបស់ក្រុមហ៊ុនមួយនេះ៕