ក្លឹបកម្សាន្តរាត្រីល្បីទាំង ៥ នៅបាងកក
- 2014-11-22 01:30:40
- ចំនួនមតិ 0 | ចំនួនចែករំលែក 0
ក្លឹបកម្សាន្តរាត្រីល្បីទាំង ៥ នៅបាងកក
ចន្លោះមិនឃើញ
បាងកក បេះដូងនៃប្រទេសថៃ ដែលជារាជធានីសម្បូរទៅដោយកន្លែងកម្សាន្តសប្បាយរីករាយទាំងថ្ងៃ ទាំងយប់ ពោលគឺអ្នកណាបានទៅលេងម្ដងហើយ ចង់ទៅលេងម្ដងទៀតមិនខាន។
ពេលណាអ្នកទាំងអស់គ្នា បានទៅដល់ទឹកដីក្រុងបាងកក អ្នកពិតជានឹងឃើញ បារ ក្លឹបរាត្រី កំពុងបើកបម្រើនៅតាមដងផ្លូវនានា បន្តកន្ទុយគ្នាយ៉ាងស្អេកស្កះដូចផ្សិត ។ ដោយសារតែមាន ក្លឹបរាត្រីច្រើនពេកបែបនេះហើយ ទើបអ្នកខ្លះពិបាកសម្រេចចិត្តថា គួរចូលរាំលេងក្នុងក្លឹបណាមួយ ។
អីចឹង ក្លឹបកម្សាន្តរាត្រីទាំង ៥ នេះ គួរតែជាជម្រើសដ៏ល្អ សម្រាប់អ្នក៖
១. Levels Club & Lounge ៖ បម្រើជូន សម្រាប់ភ្ញៀវទេសចរ និងប្រជាជនថៃ ឲ្យចូលរាំលេងចាប់ពីម៉ោង ៩ យប់ ដល់ម៉ោង ៣ ទៀបភ្លឺ។ ក្លឹបនេះមានទីតាំងនៅ Sukhumvit 11។ តន្ត្រីរាំកម្សាន្តជាប្រភេទ R&B / House ហើយអាចចូលកម្សាន្តសប្បាយដោយឥតគិតថ្លៃ។
២. Demo៖ បើកបម្រើសេវាកម្ម ដល់ភ្ញៀវជាតិ និងអន្តរជាតិចាប់ពីម៉ោង ៨ យប់ ដល់ ២ រំលងអធ្រាត្រ។ ក្លឹបនេះមានទីតាំងនៅ Thong Lor Soi 10 ។ ប្រភេទតន្ត្រីសម្រាប់រាំកម្សាន្តមានដូចជា Hard House និង Techno ហើយអាចចូលលេងដោយមិនចាំបាច់បង់ប្រាក់។
៣. Slim & Flix៖ ក្លឹបរាត្រីនេះមានទាំង យុវវ័យ បរទេស និង វ័យចំណាស់ ចូលមកកម្សាន្តលេងជារៀងរាល់យប់។ ចាប់បើកពីម៉ោង ៨ យប់ ដល់ ម៉ោង ២ អាធ្រាត្រ ហើយមានទីតាំងនៅ RCA ។ អ្នកទាំងអស់គ្នា អាចរាំលេងចង្វាក់បែប Hip Hop និង មានការប្រគំតន្ត្រីបែប Live Band។ ចំពោះប្រជាជនថៃមិនចាំបាច់ចំណាយលុយ ប៉ុន្តែភ្ញៀវបរទេសត្រូវបង់ប្រាក់ ៤០០បាទ។
៤. Ku De Ta ៖ បើកពីម៉ោង ៨ យប់ ដល់ ៦ ភ្លឺ ហើយមានទីតាំងនៅអគារ Sathorn Square Complex ជាន់ទី ៣៩ និង ៤០ លើផ្លូវ 98 North Sathorn។ ចាប់ពី ថ្ងៃចន្ទ ដល់ សុក្រ និងមុនម៉ោង ១២ យប់នៅថ្ងៃចុងសប្ដាហ៍ គឺមិនគិតថ្លៃ។ តម្លៃចូលកម្សាន្ត ៤០០បាទ អាចទទួលបានភេសជ្ជៈពីរកែវឥតគិតថ្លៃ។
៥. Grease Nightclub៖ ភ្ញៀវគ្រប់វ័យ គ្រប់សញ្ជាតិ អាចចូលកម្សាន្តសប្បាយចាប់ពីម៉ោង ៨ យប់តទៅ ហើយមានទីតាំងនៅ 46/12-13 Sukhumvit Soi 49 ។ បម្រើតន្ត្រីសម្រាប់ការស្ដាប់ និងរាំលេង ដូចជា Dubstep D'n'B និង House ។
តើអ្នកទាំងអស់គ្នាធ្លាប់ស្គាល់ ឬទៅលេងក្លឹបណាមួយ ដែរទេ?
អាន អ្នកមមើមិនអីឡើយ តែអ្នកបន្ថែមល្បោយ ធ្វើឱ្យគេផ្អើលពេញភូមិ!
អាន សម្ពោធ “THE HUNGER GAMES” យប់មិញ មានម៉ូដែលក្រៅអាជីពដើរម៉ូដ ល្អមើលតើ!
ប្រែសម្រួល៖ សែម សុធារិទ្ធ ប្រភព៖ bangkok