លេងកាន់តែធំ! Galaxy ប្រកាសប្រគល់ឡាន Lexus ស៊េរីទំនើប ដល់អ្នកនិពន្ធឆ្នើម

2021-01-14 07:53:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រកាសទិញចម្រៀងដែលជាស្នាដៃនិពន្ធថ្មីៗរបស់ផលិតករវ័យក្មេងក្នុងតម្លៃខ្ពស់មិនធ្លាប់មាន មិនទាន់បានប៉ុន្មានថ្ងៃផង ស្រាប់តែថ្ងៃនេះផលិតកម្ម Galaxy Navatra International ដែលជាបុត្រសម្ព័នរបស់Galaxy ប្រកាសជូនកាដូជាឡានLuxus nx200t មួយគ្រឿង សម្រាប់អ្នកនិពន្ធមានទេពកោសល្យធ្វើបទចម្រៀងតម្រូវទីផ្សារបរទេសហើយទទួលបានអ្នកចូលទស្សនាច្រើនជាងគេប្រចាំឆ្នាំ។

យោងតាមសេចក្ដីជូនដំណឹងមួយរបស់ផលិតកម្ម Galaxy នៅថ្ងៃទី១៤ ខែមករា ឲ្យដឹងថា ក្រៅពីទទួលបានឡានLuxus សេរីទំនើប១គ្រឿងនេះហើយ អ្នកនិពន្ធដែលអាចនិពន្ធមេឡូឌីទំនុកច្រៀង និងធ្វើភ្លេង ត្រូវទៅនឹងទីផ្សារអន្តរជាតិក៏មានឱកាសក្លាយជាអ្នកនិពន្ធឆ្នើមបានទទួលពានប្រចាំឆ្នាំទៀតផង។

Galaxy សង្កត់ធ្ងន់ថា ដើម្បីអភិវឌ្ឍន៍សិល្បៈចម្រៀងសម័យ ប្រកួតប្រជែង និងទីផ្សារបរទេស Galaxy សូមលើទឹកចិត្តផ្នែកនិពន្ធដែលតម្រូវទីផ្សារបរទេស។ នេះជាឱកាសដ៏ធំមួយ សម្រាប់ក្មេងក្មេង និងយុវជនមានទេពកោសល្យ ផ្នែកនិពន្ធ ក្រុមហ៊ុន ត្រៀមខ្លួនរួចជាស្រេចហើយបង្កើតនៅ Galaxy navatra international ។

ផលិតកម្ម Galaxy Navatra បញ្ជាក់ថា គ្រប់ផលិតករ អាចមានឱកាសក្លាយជាអ្នកនិពន្ធឆ្នើម ឲ្យតែមានបទចម្រៀងនៅក្នុងក្រុមហ៊ុន ឬផលិតកម្មGalaxy Navatra។ ក្រុមអ្នកនិពន្ធត្រូវបែងចែកជាពីរ ពោលគឺផលិតករ អាចធ្វើចម្រៀងលក់ក្នុង១បទតម្លៃចន្លោះពី៦០០ ដល់១៥០០ដុល្លារ សម្រាប់អ្នកធ្វើការក្រៅក្រុមហ៊ុន។ ទន្ទឹមគ្នានេះ ផលិតករ ក៏អាចធ្វើជាបុគ្គលិកក្រុមហ៊ុនដែរ ដោយទទួលបានប្រាក់ខែចន្លោះពី៥០០ ដល់៥០០០ដុល្លារ៕

អត្ថបទ៖ ជិន សុភ័ក្ដ្រ