សេង រដ្ឋា មិននៅស្ងៀមចេញមុខឆ្លើយតបភ្លាមៗ ក្រោយក្រុមហ៊ុនចេញលិខិតអញ្ជើញ

2021-01-19 08:00:24
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅមុននេះបន្តិច សេង រដ្ឋា ឆ្លើយតបភ្លាមៗ បន្ទាបពីហ្វេសប៊ុកផ្លូវការ Miss Grand Cambodia ចេញសេចក្ដីកោះហៅកញ្ញា សេង រដ្ឋា ឱ្យចូលខ្លួនដោះ ស្រាយបញ្ហានៅរសៀលម៉ោង៣ថ្ងៃទី១៩ ខែមករា ឆ្នាំ២០២១នេះ។

ប្រតិកម្មរបស់ តារាស្រីវ័យក្មេងដ៏ស្រស់ស្អាត គឺក្រោយពីមុននេះ មានដំណឹងថា ក្រុមហ៊ុនមហាហង្ស ដែលជាម្ចាស់រៀបចំព្រឹត្តិការណ៍ Miss Grand Cambodia 2020 កន្លងទៅ បានចេញលិខិតកោះអញ្ជើញបេក្ខនារីជយលាភីរបស់កម្មវិធី គឺកញ្ញា សេង រដ្ឋា ឲ្យចូលខ្លួនមកជួប ដើម្បីចរចារកដំណោះស្រាយដោយសន្តិវិធី លើករណីរកាំរកូសរវាងកញ្ញា និងក្រុមហ៊ុន ពាក់ព័ន្ធនឹងស្ថានភាពរបស់បេក្ខនារីក្រោយជាប់ជយលាភី មានសភាពស្ងប់ស្ងាត់។

បញ្ហានេះ លោក អ៊ិន សុភិន នាយកក្រុមហ៊ុនមហាហង្ស បានចេញសារខ្លីថា លោកមិនចង់តបតទេ ប៉ុន្តែបើនៅស្ងៀម រឿងនឹងមិនបញ្ចប់ ហើយភាគីរបស់លោក គឺជាអ្នកខាតបង់។ ដូច្នេះលោកបញ្ជាក់ថា នឹងមានសន្និសីទសារព័ត៌មានមួយឆាប់ៗនេះ។ ស្រាប់តែនៅថ្ងៃនេះ ស្រាប់លេចលិខិតកោះហៅមួយរបស់ មហាហង្ស បានចេញមក។

គណនីហ្វេសប៊ុក Miss Grand Cambodia បានបង្ហោះរូបភាពបេក្ខនារី១សន្លឹកភ្ជាប់ជាមួយលិខិតអញ្ជើញរបស់មហាងហង្សនោះផង។ តាមខ្លឹមសារមានក្នុងលិខិតនោះ គឺក្រុមហ៊ុនមហាហង្ស សូមកោះអញ្ជើញ កញ្ញា សេង រដ្ឋា ឲ្យចូលខ្លួននៅរសៀលម៉ោង ៣ ថ្ងៃទី ១៩ មករា នេះ នៅការិយាល័យ ផលិតកម្មមហាហង្ស។ គោលបំណងនៃការកោះអញ្ជើញនេះ គឺដើម្បីសម្របសម្រួលភាគីទាំង២ លើរឿងដែលកើតឡើង។

ប៉ុន្តែតាមលិខិតដដែលនេះ បានសង្កត់ធ្ងន់ថា ប្រសិនបើកញ្ញា សេង រដ្ឋា មិនចូលខ្លួនមក តាមការកោះអញ្ជើញ២ដង នាងនឹងត្រូវដកហូតតំណែងជយលាភីដោយស្វ័យប្រវត្តិ។

ក្រោយពីបានឃើញសារកោះហៅ ភ្លាមៗសមីខ្លួនកញ្ញា សេង រដ្ឋា ក៏មិននៅស្ងៀមក៏បានបង្ហោះសារឆ្លើយតបនៅក្នុងប៊ុកផេក ថា នាងមិនអាចទទួលយកបាននូវអ្វីដែលខាងក្រុមហ៊ុនបានធ្វើដាក់នាង។ នេះគឹសារទាំងស្រុងរបស់ បេក្ខនារី "សុំទោសផង fan beauty pageant និង អ្នកគាំទ្រដ៏សែនល្អរបស់ខ្ញុំ សេង រដ្ឋា ខ្ញុំពិតជាមិនអាចទទួលយកបាន នូវអ្វីដែរអ្នកគ្រប់គ្រងកម្មវិធីបានបរិហារកេរ្តិ៍ឈ្មោះរបស់ខ្ញុំនៅលើបណ្តាញសង្គម រហូតដល់មានការចុះផ្សាយពត័មាន ជាសាធារៈបែបនេះ"។

"ខ្ញុំនិងធ្វើតាមអ្វីដែរអ្នកគ្រប់គ្រងកម្មវិធីបានប្រកាសជាសាធារៈកន្លងមក (ដក តំណែង)ហើយអ្វីដែរខ្ញុំធ្វើ បាននៅពេលនេះគឺ ចូលខ្លួនបង្ហាញវត្តមាន នៅថ្ងៃសន្និសីតកាសែតតែមួយគត់ ដែលនិងប្រព្រឹត្តឡើងដោយមានការបរិច្ឆេទ ពេលវេលាច្បាស់លាស់ណាមួយ តែប៉ុណ្ណោះ ដើម្បីដកតំណែងនាងខ្ញុំ ដូចអ្វីដែរអ្នកគ្រប់គ្រងកម្មវិធីបានប្រកាសជា សាធារណៈកន្លងមក។ ខ្ញុំពិតជាស្រឡាញ់វិស័យមួយនេះណាស់ ទំរាំមានថ្ងៃនេះ ទោះខ្ញុំលំបាកយ៉ាងណា ក៍ខ្ញុំនៅតែញញឹម ដើម្បីអ្នកទាំងអស់គ្នា love u my Fan»។ បន្ទាប់ពីកញ្ញា បង្ហោះសារថាអ្នកគ្រប់គ្រងកម្មវិធីបានបរិហារកេរ្តិ៍ឈ្មោះនាងនោះ ពុំទាន់ឃើញខាងក្រុមហ៊ុនឆ្លើយតបនៅឡើយទេ"៕

អត្ថបទ៖ Pav Sreypich