Microsoft ជឿជាក់ខ្លាំង អួតថា Surface Pro 7 ជាជម្រើសល្អជាង MacBook Pro
- 2021-01-25 01:46:52
- ចំនួនមតិ 0 | ចំនួនចែករំលែក 0
Microsoft ជឿជាក់ខ្លាំង អួតថា Surface Pro 7 ជាជម្រើសល្អជាង MacBook Pro
ចន្លោះមិនឃើញ
Microsoft បានចេញផ្សាយវីដេអូពាណិជ្ជកម្មមួយលើ YouTube មានចំណងជើងថា "Microsoft Surface Pro 7: The Better Choice" ដែលក្រុមហ៊ុនបានប្រៀបធៀបកុំព្យូទ័រកាត់ Tablet របស់ខ្លួន ជាមួយនឹង MacBook Pro M1 របស់ Apple។
វីដេអូបាននិយាយអំពី Touchscreen របស់ Surface Pro 7 ដែលអាចប្រើជាមួយប៊ិក ដែល Touch Bar នៅលើ MacBook Pro មិនអាចប្រៀបផ្ទឹមបាន។ ចំណុចលេចធ្លោផ្សេងទៀតនៃ Surface Pro 7 រួមមានក្ដារចុចដែលអាចដកចេញបាន, តម្លៃធូរថ្លៃជាង និងអះអាងថាវាជាឧបករណ៍សម្រាប់លេងហ្គេមដែលប្រសើរជាង MacBook Pro។
ដោយឡែកបើងាកមើលលទ្ធផល Geekbench ឯណោះបង្ហាញថា Surface Pro 7 ដែលប្រើ Intel Core i3 ជាមួយ RAM ទំហំ 4GB មាន Single-Core ចំនួន ៧៦៩ពិន្ទុ និង Multi-Core ចំនួន ១ ៨៥១ពិន្ទុ។ ចំណែក Surface Pro 7 ប្រើឈីប Intel Core i5 និង RAM 8GB មានពិន្ទុ ១២១០ពិន្ទុ និង ៤០៧៩ពិន្ទុ។ ប្រៀបនឹង MacBook Pro ប្រើឈីប M1 និង RAM 8GB គឺមានសមត្ថភាពលើស Surface Pro 7 ដាច់ ដោយមាន Single-Core ១៧៣៥ពិន្ទុ និង Multi-Core ៧៩៨៦ពិន្ទុ៕