Tuchel ចូលកាន់ Chelsea ភ្លាម បង្ហើបគម្រោងទិញប្រយុទ្ធបន្ថែមភ្លែត

2021-01-27 02:43:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបតោខៀវ Chelsea បានប្រកាសនៅយប់មិញនេះ តែងតាំងលោក Thomas Tuchel ធ្វើជាអ្នកចាត់ការក្រុម ជំនួសលោក Frank Lampard ដែលត្រូវដកចេញកាលពីម្សិលមិញនេះ។

ក្នុងឱកាសឡើងកាន់តំណែងភ្លាមនេះ លោក Tuchel បានទៅជួបជាមួយកីឡាករនៅកន្លែងហ្វឹកហាត់ភ្លាមតែម្ដងដើម្បីដឹកនាំក្រុមត្រៀមប្រកួតនៅរាត្រីនេះ។ សម្ដីដំបូងរបស់អ្នកចាត់ការអាល្លឺម៉ង់ក្នុងការចូលខ្លួនដឹកនាំក្រុម Chelsea គឺលោកមើលឃើញថាក្រុមមួយនេះត្រូវការខ្សែប្រយុទ្ធបន្ថែមទៀត ទើបអាចប្រជែងជាមួយក្រុមដទៃទៀតបាន។

បើទោះជាបច្ចុប្បន្ន Chelsea កំពុងមានខ្សែប្រយុទ្ធក្មេងៗសញ្ជាតិអាល្លឺម៉ង់ហើយក៏ដោយ ក៏លោកឃើញថានៅចន្លោះប្រហោងច្រើនដែលត្រូវបំពេញទៀតដែរ។ សូមបញ្ជាក់អតីតអ្នកចាត់ការក្រុម PSG រូបនេះ មានកុងត្រា១៨ខែក្នុងការដឹកនាំក្រុមតោខៀវ ហើយម្ចាស់ក្លឹបក៏បានដាក់គោលដៅឱ្យលោកត្រូវតែជួយក្រុមអាចលេងពានរង្វាន់ UEFA Champions League នៅឆ្នាំក្រោយដែរ៕

ប្រភព៖ Dailymail អត្ថបទ៖ ប្រុស យុទ្ធ