Google Pixel នឹងអាចប្រើកាមេរ៉ាដើម្បីវាស់ចង្វាក់បេះដូង
- 2021-02-05 02:38:55
- ចំនួនមតិ 0 | ចំនួនចែករំលែក 0
Google Pixel នឹងអាចប្រើកាមេរ៉ាដើម្បីវាស់ចង្វាក់បេះដូង
ចន្លោះមិនឃើញ
នៅក្នុងពេលឆាប់ៗខាងមុខនេះ Google នឹងបន្ថែមមុខងារថ្មីទៅក្នុងកម្មវិធី Fit លើស្មាតហ្វូន Pixel របស់ខ្លួន។
អ្នកប្រើ Pixel នឹងអាចធ្វើការវាស់ចង្វាក់បេះដូងបានដោយដាក់ម្រាមដៃនៅលើកាមេរ៉ាក្រោយ ដែលកាមេរ៉ានឹងធ្វើការត្រួតពិនិត្យលើការផ្លាស់ប្ដូរនៃពណ៌ ពេលដែលចរន្តឈាមហូរកាត់ម្រាមដៃ។
មុខងារមួយទៀតគឺមុខងារវាស់កម្រិតដង្ហើម ដែលពឹងផ្អែកលើកាមេរ៉ាខាងមុខ។ អ្នកគ្រាន់តែស្ថិតនៅឲ្យចំប្លង់ដែលមានបង្ហាញឡើងក្នុងកម្មវិធីទូរសព្ទ រួចហើយដកដង្ហើម ដែលកាមេរ៉ានឹងត្រួតពិនិត្យលើចលនានៃដើមទ្រូង។
មុខងារទាំងនេះប្រហែលជាអាចនឹងបង្ហាញវត្តមានលើស្មាតហ្វូនដទៃទៀតក្រៅពី Pixel ប៉ុន្តែ Google ចង់សិក្សាអំពីភាពច្បាស់លាស់របស់វាជាមុនសិន៕