នេះហេតុផល Neymar អត់ទៅលេងនៅ Premier League ព្រោះមិនប្រថុយ

2021-02-05 03:21:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Neymar ត្រៀមបន្ដកុងត្រាថ្មី៤ឆ្នាំជាមួយក្រុម PSG ទៀតហើយ ក្រោយពីការចង់ផ្ទេរចេញណាមួយកាលពីរដូវកាលមុននោះមិនអាចលេចរូបរាងឡើងមកនោះទេ។

កីឡាករមានតម្លៃខ្លួនផ្ទេរចេញខ្ពស់ជាងគេលើលោកខាងលើនេះ ក៏មានក្លឹបនៅអង់គ្លេសមួយចំនួនចង់បានដែរកាលពីពេលកន្លងទៅ ប៉ុន្តែរូបគេបានបដិសេធ ដោយសំអាងថាខ្លួនហាក់ដូចជាមិនចង់ទៅលេងនៅ Premier League ឡើយ។ Neymar បាននិយាយថារូបគេមិនសូវបានមើលការប្រកួតនៅអង់គ្លេសទេ បើទោះជាគូធំយ៉ាងណាក៏ដោយ។ តែអ្វីដែលខ្លួនធ្លាប់ដឹងកន្លងមកគឺនៅអង់គ្លេស ការប្រកួតមួយៗមានការប៉ះទង្គិចគ្នាច្រើនណាស់។ វាជាកត្ដាមួយដែលធ្វើឱ្យរូបគេមិនសូវចង់តាមដាននោះទេ។

រំលឹកថាអតីតខ្សែប្រយុទ្ធក្រុម FC Barcelona រូបនេះ មានរបួសច្រើនមែនទែន ដែលធ្វើឱ្យរូបគេញញើតក្នុងការប្រជែងយកបាល់ខ្លាំងណាស់ ព្រោះខ្លួនមានបញ្ហារបួសស្រាប់ទៅហើយ។ ដោយឡែកនៅក្រុម PSG នេះទៀតសោត ត្បិតតែរកគ្រាប់បាល់បានសឹងគ្រប់ប្រកួតមែន តែការអវត្តមានរបស់គេក៏ច្រើនដែរ៕

ប្រភព៖ Dailymail អត្ថបទ៖ វិធាវី