រឿងកើតហើយ! កូនទី៣ ព្រាប សុវត្ថិ ចេញមុខតាមវីដេអូមួយ ប្រកាសដើរចេញពីហង្សមាស!

2021-02-08 03:05:09
ចំនួនមតិ 0 | ចំនួនចែករំលែក 0

ចន្លោះមិនឃើញ

តើមានមូលហេតុអ្វីនៅពីក្រោយ នៃការប្រកាសដើរចេញពីហង្សមាសរបស់តារាចម្រៀងប្រុសវ័យក្មេង សុវត្ថិ សិរីវុឌ្ឍ? តើលោកនឹងដើរចូលក្នុងផលិតកម្មGalaxy ជាមួយឪពុករបស់លោក ឬទេ? ចំពោះសំណួរទាំងនេះ វាស្ថិតនៅតែជាសំណួរដែលពុំទាន់មានចម្លើយនៅឡើយ ក្រោយពីកូនប្រុសកំពូលតារាចម្រៀងរូបនេះប្រកាសដើរចេញកាលពីថ្ងៃម្សិលម្ង៉ៃ។

កូនប្រុសពៅរបស់លោកព្រាប សុវត្ថិ គឺលោក សុវត្ថិ សិរីវុឌ្ឍ បានប្រកាសតាមបណ្ដាញសង្គមIG ដោយខ្លីថា រូបលោកបានលាឈប់ពីផលិតកម្មរស្មីហង្សមាសជាផ្លូវការហើយ ដោយមិនបានបញ្ជាក់ពីមូលហេតុ នៃការដើរចេញ ឬបង្ហើបពីគម្រោងថាលោកនឹងទៅរួមរស់ជាមួយផលិតកម្មចម្រៀងណាមួយផ្សេងទៀតនៅឡើយទេ។

សុវត្ថិ សិរីវុឌ្ឍ៖"ខ្ញុំបានឈប់ពីហង្សមាសហើយ ហើយខ្ញុំក៏មានបទចម្រៀងថ្មីៗត្រៀមចេញនៅលើYoutube និងនៅក្នុងChanel របស់ខ្ញុំផ្ទាល់ដែលមានឈ្មោះថាសុវត្ថិ សិរីវុឌ្ឍ។ ដូច្នេះសូមអ៊ំប្រុសអ៊ំស្រី និងពុកម៉ែបងប្អូនចូលទស្សនាឲ្យបានច្រើន ដើម្បីគាំទ្របទចម្រៀងដែលជាស្នាដៃនិពន្ធដោយខ្ញុំបាទផ្ទាល់"។

ដំណឹងនេះ បាន និងកំពុងធ្វើឲ្យមានការភ្ញាក់ផ្អើលក្នុងចង្កោមអ្នកគាំទ្ររបស់តារាចម្រៀង និងមានការចោទសួរថា មានបញ្ហាអ្វីនៅពីក្រោយរឿងនេះ។ យ៉ាងណា សាមីខ្លួនមិនបានឆ្លើយតបទៅអ្នកគាំទ្រជុំវិញរឿងនេះទេ ជាមួយគ្នា ក្រុមការងារ Sabay ក៏មិនទាន់អាចសុំភ្ជាប់ទំនាក់ទំនងបាននៅឡើយ។ ងាកទៅលោក ព្រាប សុវត្ថិ ជាឪពុក និងភាគីខាងផលិតកម្មហង្សមាស ក៏ទាន់អាចសុំការអធិប្បាយបានដូចគ្នា គិតត្រឹមព្រឹកថ្ងៃទី ៨ កុម្ភៈ នៅម៉ោង ១០ និង ៤០នាទីនេះ

លោក ព្រាប សុវត្ថិ និងកូនប្រុសពៅរបស់លោក បានអង្រួនបេះដូងប្រិយមិត្តយ៉ាងខ្លាំងនៅដើមខែកុម្ភៈ ឆ្នាំ២០២១ តាមរយៈបទចម្រៀងមួយបទក្រោមចំណងជើងថា"Gang Gang"។ បទនេះត្រូវបានលោក សុវត្ថិ សិរីវុឌ្ឍ ដែលមិនទាន់ប្រកាសដើរចេញពីផលិតកម្មរស្មីហង្សមាស និពន្ធឡើងដើម្បីឲ្យឪពុករបស់លោកដែលកំពុងជ្រកនៅក្រោមផលិតកម្មGalaxy គឺលោកព្រាប សុវត្ថិ ច្រៀងយ៉ាងកក្រើក៕

អត្ថបទ៖ ជិន សុភ័ក្ដ្រ