កីឡាករ Bayern សម្រាកនៅលើយន្តហោះមួយយប់ ដោយសារតែរឿងច្បាប់ទម្លាប់
- 2021-02-08 11:20:38
- ចំនួនមតិ 0 | ចំនួនចែករំលែក 0
កីឡាករ Bayern សម្រាកនៅលើយន្តហោះមួយយប់ ដោយសារតែរឿងច្បាប់ទម្លាប់
ចន្លោះមិនឃើញ
កីឡាករក្លឹប Bayern Munich បានសម្រាកនៅលើយន្តហោះមួយយប់នារដ្ឋធានីប៊ែរឡាំង ដោយសារតែបញ្ហាបច្ចេកទេសយន្តហោះ និងបញ្ហាច្បាប់អាកាសចរនៅអាល្លឺម៉ង់។
រឿងហេតុនេះកើតឡើងនៅយប់ថ្ងៃទី៦ ខែកុម្ភៈ (ម៉ោងពេលនៅអាល្លឺម៉ង់) ដោយក្រុម Bayern Munich ទាំងមូល បម្រុងនឹងចេញពីអាល្លឺម៉ង់ ទៅកាន់ប្រទេសកាតារសម្រាប់ការប្រកួតពាន FIFA Club World Cup។
បើតាមកាលវិភាគជើងហោះហើរ យន្តហោះរបស់ក្លឹបយក្សអាល្លឺម៉ង់មួយនេះគ្រោងនឹងឡើងហោះនៅម៉ោង ១១.១៥យប់ តែខាងយន្តហោះមិនទាន់ត្រៀមខ្លួនរួចរាល់រហូតដល់ម៉ោង ១១.៥៩ឯណោះ។ ច្បាប់នៅអាល្លឺម៉ង់ ហាមឃាត់មិនឲ្យយន្តហោះឡើងពេលយប់កណ្ដាលអធ្រាត្រ (ចាប់ពីម៉ោង ១២យប់ទៅ) នោះទេ ដូច្នេះហើយទើបខាងយន្តហោះត្រូវសុំច្បាប់អាជ្ញាធរចំពោះការហោះហើរពិសេស តែជាអកុសលខាងអាជ្ញាធរបានបដិសេធ។
ហេតុផលនេះហើយ ទើបតម្រូវឲ្យក្រុម Bayern Munich សម្រាកនៅលើយន្តហោះមួយយប់ មុននឹងចេញពីប៊ែឡាំងនៅម៉ោងជិត ៧ព្រឹកថ្ងៃស្អែក។
Bayern Munich នឹងប៉ះជាមួយក្រុមអេហ្ស៊ីប Al Ahly នៅថ្ងៃស្អែកម៉ោង ១០យប់ (ម៉ោងនៅកម្ពុជា) សម្រាប់វគ្គពាក់កណ្ដាលផ្ដាច់ព្រ័ត្រនៃពានក្លឹបបាល់ទាត់ពិភពលោក៕