ដឹងច្បាស់ចរិតពិត នារីក្នុងក្ដីសុបិន ចំណូលចិត្ត និងរឿងសំខាន់ៗរបស់ Yang Yang

2021-02-12 02:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នេះជាតារាសម្ដែងចិន ដែលមនុស្សជាច្រើនតែងផ្ដោតការចាប់អារម្មណ៍ខ្លាំងពេលឃើញលោកម្ដងៗ ហើយតារាប្រុសម្នាក់នេះក៏ជាបេះដូងរបស់ចិនដែរ។

គិតតាំងពីចូលសិល្បៈតាំងពីឆ្នាំ ២០១០ Yang Yang បានចំណាយកម្លាំងកាយចិត្តខ្លាំងក្នុងការសាងកេរ្តិ៍ឈ្មោះដូចមានសព្វថ្ងៃ។ ល្បីបែបនេះ បើនិយាយពីរឿងរ៉ាវគ្រប់យ៉ាងរបស់លោក អ្នកគាំទ្រពិតជាចង់ដឹងច្បាស់ឲ្យបានច្រើន។ ជូនតាមសំណូមពរ នេះគឺជារឿងពិតទាំង ១០យ៉ាងរបស់ កំលោះសង្ហា Yang Yang៖

១. Yang Yang កើតនៅថ្ងៃទី០៩ ខែកញ្ញា ឆ្នាំ ១៩៩១ (ឆ្នាំមមែ) ក្នុងទីក្រុងសៀងហៃ ប្រទេសចិន ព្រមទាំងជាកូនទោលក្នុងគ្រួសារ។ លោកមានឈាមប្រភេទ AB និងកម្ពស់ ១៨០សង់ទីម៉ែត្រ។

២. កាល Yang Yang នៅតូច លោកស្រឡាញ់ការរាំខ្លាំងណាស់ ថែមទាំងសុបិនចង់ធ្វើជាអ្នករាំអាជីពទៀតពេលធំឡើង។ នៅពេលមានអាយុ ៥ឆ្នាំ លោកក៏ចាប់ផ្ដើមចូលហាត់រាំ។

៣. Yang Yang បានចូលសិក្សានៅមហាវិទ្យាល័យ People's Liberation Army Academy of Art នៅអាយុ ១១ឆ្នាំ។ នេះក៏កើតចេញពីការស្រឡាញ់ឯកសណ្ឋានជាទាហាន កាលពីតូច ហេតុនេះទើបបណ្ដាលចិត្តលោក សម្រេចចូលរៀនក្នុងមហាវិទ្យាល័យនេះតែម្ដង។ ចំណុចមួយទៀត ដឹងអត់? តារាប្រុសរូបនេះតែងទទួលបានពិន្ទុខ្ពស់ៗ កាលនៅរៀន ហើយធ្លាប់ទាំងបានធ្វើជាតំណាងរបស់សាលា ទៅចូលរួមប្រកួតរាំក្នុងកម្មវិធីជាច្រើនរាប់មិនអស់ទៀតផង។

៤. នៅថ្ងៃទី១៩ ខែកុម្ភៈ ឆ្នាំ ២០១៧ រូបក្រមួនរបស់ Yang Yang ត្រូវបានដាក់តាំងបង្ហាញក្នុងសារមន្ទីរ Madam Tussauds ក្នុងទីក្រុងសៀងហៃ។ ក្រោយមកនៅថ្ងៃទី១៩ ខែកក្កដា ឆ្នាំដដែល រូបក្រមួនទី២ របស់លោកត្រូវបានដាក់តាំងនៅក្នុងសារមន្ទីរ Madam Tussauds ប្រចាំទីក្រុងប៉េកាំង។

៥. ចំណុចខ្សោយរបស់ Yang Yang គឺ លោកខ្វះបទពិសោធជីវិត ប៉ុន្តែចំណុចល្អគឺត្រង់ថា លោកសង្ហា។

៦. ចរិតរបស់ លោកជាមនុស្សស្ងៀមស្ងាត់ មិនសូវនិយាយច្រើនទេ ប៉ុន្តែតែងតែបង្ហាញស្នាមញញឹម និងចូលចិត្តធ្វើអ្វីស្ងាត់ៗ មិនចូលចិត្តឡូឡាទេ។

៧. និយាយពីចំណងចំណូលចិត្តវិញ Yang Yang ចូលចិត្តចេញរត់នៅក្រៅផ្ទះពេលព្រឹក ជាការហាត់ប្រាណ និងស្រូបយកខ្យល់អាកាសបរិសុទ្ធ ទទួលអារម្មណ៍ស្រស់ស្រាយ។ ក្រៅពីនេះលោកក៏ចូលចិត្តហែលទឹក និងលេងបាល់បោះដែរ។ បើទំនេរពីការងារសិល្បៈ Yang Yang តែងទុកពេលសម្រាកនៅផ្ទះ លេងហ្គេម និងហាត់ប្រាណ។

៨. Yang Yang ពូកែលេងព្យ៉ាណូ និងចំណាប់ខ្លាំងខាងធ្វើម្ហូប ពិសេសស្លាបមាន់កូកា។

៩. ឯអ្វីដែលលោកចូលចិត្តបំផុតគឺ ទុរេន និងមិនចេះញ៉ាំទេអាហារណាដែលហិរៗ។ មួយទៀត Yang Yang កម្រផឹកណាស់។

១០. សម្រាប់នារីក្នុងដួងចិត្ត Yang Yang ៖ ម្នាក់នោះគួរតែមានកម្ពស់សមល្មម (មិនខ្ពស់ពេក មិនទាបពេក) មានសាច់ឈាមសមរម្យ កុំស្គមពេក។ នារីដែលមិនផាត់មុខក្រាស់ៗ ស្អាតស្រាប់ពីធម្មជាតិ និងមានប្រវត្តិទទួលបាននៃការសិក្សាកម្រិតខ្ពស់។ ជាពិសេសជាមនុស្ស Cute និងចេះឯករាជ្យ៕