មាន សូនីតា ធ្វើខួបគួបជាមួយពិធីសម្ពោធបើកហាងតម្លៃរាប់ម៉ឺន មិត្ដរួមអាជីពសរសើរចំណុចមួយ
- 2021-02-11 02:39:05
- ចំនួនមតិ 0 | ចំនួនចែករំលែក 0
មាន សូនីតា ធ្វើខួបគួបជាមួយពិធីសម្ពោធបើកហាងតម្លៃរាប់ម៉ឺន មិត្ដរួមអាជីពសរសើរចំណុចមួយ
ចន្លោះមិនឃើញ
តារាសម្ដែង និងដើរម៉ូតដ៏មានប្រជាប្រិយភាព មាន សូនីតា បានធ្វើខួបកំណើតគ្រប់អាយុ៣១ឆ្នាំ គួបជាមួយនឹងពិធីសម្ពោធបើកហាងមួយឈ្មោះ"Noth Coffee" ដែលប្រើទុនខ្ទង់ម៉ឺនដុល្លារ។ មិត្តរួមអាជីពដែលបានចូលរួមក្នុងកម្មវិធីដ៏ធំមិនធ្លាប់មានរបស់កញ្ញា មាន សូនីតា យប់មិញនេះ បានភ្ញាក់ផ្អើល និងលាន់មាត់សរសើរហាងថ្មីរបស់នាងស្ទើរគ្រប់គ្នា។
ក្រោមក្រសែភ្នែកភ្ញៀវកិត្តិយសដែលជាតារាល្បីៗជាច្រើនដួង បានពោលសរសើរថា "Noth Coffee" របស់កញ្ញា សូនីតា គឺជាហាងមួយដែលមើលពីមុខទៅហាក់ដូចជាផាប់ធម្មតា ប៉ុន្តែផ្នែកខាងក្នុងមានរចនាបថថ្មី និងប្លែកៗគួរជាទីមនោរម្យ និងមានផាសុកភាព។
ជុំវិញការលើកឡើងនេះ កញ្ញា មាន សូនីតា ប្រាប់អ្នកសារព័ត៌មានថា ហាង"Noth Coffee" មានច្រើនសាខានៅរាជធានីភ្នំពេញ ប៉ុន្តែហាងដែលកំពុងសម្ពោធបើកនេះ គឺជាហាងដែលនាងគ្រប់គ្រងដោយផ្ទាល់ ហើយមានភាគហ៊ុនជាមួយមិត្តភ័ក្ដិជិត១០នាក់។
ពិធីខួបកំណើត និងសម្ពោធបើកហាងថ្មីដែលគេជឿថាមានទុនវិនិយោគរួមគ្នាចន្លោះពី១០ ទៅ២០ម៉ឺនដុល្លារនេះ ត្រូវបានធ្វើឡើងកាលពីយប់ថ្ងៃទី១០ ខែកុម្ភៈ ឆ្នាំ២០២១ នៅក្នុងហាង"Noth Coffee"ផ្ទាល់ ស្ថិតនៅម្ដុំក្រោយវត្តទួលទំពូង ខណ្ឌចំការមន រាជធានីភ្នំពេញ៕