Bayern ថា បើទិញបាន Salah ជារឿងកិត្តិយស ព្រោះគេជា Messi អាហ្រ្វិក
- 2021-02-11 08:12:32
- ចំនួនមតិ 0 | ចំនួនចែករំលែក 0
Bayern ថា បើទិញបាន Salah ជារឿងកិត្តិយស ព្រោះគេជា Messi អាហ្រ្វិក
ចន្លោះមិនឃើញ
Bayern Munich បានបង្ហាញការចាប់អារម្មណ៍ចង់បាន Mohamed Salah បន្ទាប់ពីប្រធានក្លឹបលោក Karl-Heinz Rummenigge បានបង្ហើបថាជារឿងកិត្តិយសបំផុតបើមានគេនៅ Allianz Arena។
Salah ទទួលបានជោគជ័យខ្លាំងក្លាមែនទែននៅ Liverpool ចាប់ពីចូលរួមក្នុងឆ្នាំ២០១៧។ គេជាកីឡាករស្នូលម្នាក់ក្នុងក្រុមជួយក្លឹបឈ្នះពាន Champions League និង Premier League ជាលើកដំបូងក្នុងរយៈពេល៣០ឆ្នាំ។ Salah ក៏ជាម្ចាស់ស្បែកជើងមាសនៅ PL ផងដែរនៅឆ្នាំ២០១៨និង២០១៩។
កីឡាករវ័យ២៨ឆ្នាំនៅសល់កុងត្រាពីរឆ្នាំទៀតប៉ុណ្ណោះនៅ Anfield ហើយក៏ធ្លាប់មានការទាក់ទងផ្លាស់ទៅ Barcelona និង Real Madrid ផងដែរ។ យ៉ាងណាក្ដី ពេលនេះ Bayern ដែលជាម្ចាស់ជើងឯក UCL រដូវកាលមុនក៏បង្ហើបពីការចាប់អារម្មណ៍លើកីឡាករសញ្ជាតិអេហ្ស៊ីបផងដែរ។
“នៅពេលនេះពួកយើងមិនទាន់មានគម្រោងចុះកុងត្រាទិញយក Salah នៅឡើយទេ ប៉ុន្តែវាពិតជាមានកិត្តិយសក្នុងការមានគេនៅទីនេះ។ តាមគំនិតរបស់ខ្ញុំ Salah គឺជា Messi អាហ្រ្វិក ហើយប្រាកដណាស់គេមានសមត្ថភាពល្អក្នុងសម្រាប់ការលេងឲ្យក្រុមល្អជាងគេក្នុងពិភពលោក"។ សម្ដីលោក Rummenigge៕