ជប៉ុន ផលិតគ្រែពិសេសមួយទប់ស្កាត់ការរួមភេទបែប Threesomes

2021-02-17 08:42:04
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទប់និងគ្រែសម្រាក សម្រាប់អត្ដពលិក ត្រៀមចូលរួមព្រឹត្តិការណ៍កីឡាករអូឡាំពិកក្រុងតូក្យូ ២០២០ ត្រូវបានបង្កើតឡើងយ៉ាងពិសេសក្រោមហេតុផល សុវត្ថិភាពសិចជាចម្បង។

ប្រធានផ្នែកផលិតគ្រែប្រចាំក្រុមហ៊ុន Airweave និងជាម្នាក់ក្នុងចំណោមអ្នករៀបចំព្រឹត្តិការណ៍នោះផងដែរបានលើកឡើងថា៖ "គ្រែនេះមានទម្ងន់ស្រាលទំហំតូច និងសម្រាប់មនុស្សតែម្នាក់ប៉ុណ្ណោះ។ វាមិនមែនធ្វើពីឈើឬដែក មិនអាចទ្រាំទ្របាន ២ ឬ ៣ នាក់ គោលបំណងទប់ស្កាត់ការរួមភេទបែបអនាធិបតេយ្យដែលធ្លាប់រកឃើញមានក្នុងព្រឹត្តិការណ៍កីឡាករអូឡាំពិកមុនៗ ។”

ជាការពិត របាយការណ៍ក្រោយចប់ព្រឹត្តិការណ៍កីឡាករអូឡាំពិកនៅព្យុងយ៉ាងកូរ៉េខាងជើង គេរកឃើញថា កត្តាដែលផ្តល់ជម្រើសគ្រែធំៗឲ្យអត្ដពលិក បន្សល់ទុកនូវស្រោមអនាម័យជាង ១១០ ០០០ ឯណោះនៅពេលចប់ព្រឹត្តិការណ៍។

ចំណែកឯរបាយការណ៍ដូចគ្នានេះនៅក្នុងព្រឹត្តិការណ៍កីឡាករអូឡាំពិករដូវក្តៅទីក្រុង Rio ប្រទេសប្រេស៊ីល ឆ្នាំ ២០១៦ គេបានរកឃើញ កម្មវិធីណាត់អនឡាញ (dating App) មមាញឹកខ្លាំងអំឡុងពេលនោះ និងបន្សល់ទុកនូវស្រោមអនាម័យជាង ៤៥០ ០០០។

ដូច្នេះ ជប៉ុន បានសិក្សាលើករណីទាំងនេះ ហើយក៏ផលិតបានគ្រែដេកធ្វើពីរបស់ច្នៃឡើងវិញពីក្រដាសកាតុងរឹង ចំពោះវិធានការផ្សេងៗទៀតដើម្បីទប់ស្កាត់ពីបញ្ហានេះនៅមិនទាន់មានការបង្ហើបណាមួយឲ្យដឹងនៅឡើយទេ។ ចំពោះកាលបរិច្ឆេទប្រារព្វធ្វើព្រឹ្តិការណ៍កីឡាករអូឡាំពិកក្រុងតូក្យូ ២០២០ ត្រូវបានរំសាយ ដោយសារការវីករាលនៃវីរុសកូវីដ១៩ ទូទាំងពិភពលោក៕