ពីរោះហើយឡូយ កូនទី៣ ព្រាប សុវត្ថិ ចេញបទថ្មីផ្ទាល់ខ្លួន ប្លង់ថតមួយប្លង់ៗ មើលសឹងមិនដឹងស្រុកខ្មែរ!

2021-02-24 03:28:19
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនទី៣របស់លោក ព្រាប សុវត្ថិ គឺ សុវត្ថិ សិរីវុឌ្ឍ បានចេញបទចម្រៀងផ្ទាល់ខ្លួនហើយថ្មីៗបន្ទាប់ពីបានប្រកាសដើរចេញពីផលិតកម្មរស្មីហង្សមាស ដែលបទទី១របស់គេនេះ ទទួលបានការសរសើរយ៉ាងច្រើន។

បទនេះមានចំណងជើងថា "Lonely” ទើបចេញផ្សាយកាលពីថ្ងៃទី ២០ កុម្ភៈ ជាចំណងដៃទី១ ចាប់តាំងពីគេបានប្រកាសផ្ដាច់ខ្លួនពីផលិតកម្មធំរួចមក។ កាលនោះ សិរីវុឌ្ឍ មិនបានបញ្ជាក់ឡើយថា ហេតុអ្វីរូបគេសម្រេចដើរចេញពីហង្សមាស តែបានបង្ហើបថា តទៅមុខ រូបគេនឹងធ្វើបទសម្រាប់ដាក់លើយូធូបរបស់ខ្លួនវិញ។ ជាក់ស្ដែងដូចការអះអាង កូនទី៣រូបនេះ បានចេញបទ "Lonely” នេះ។

ប្រិយមិត្តជាច្រើនបានពោលសរសើរថា សមិទ្ធផលមួយនេះរបស់ សិរីវុឌ្ឍ ពិតជាមិនធម្មតា ទាំងសាច់ភ្លេងក៏ពីរោះ ចាក់បេះដូងសម្រាប់អ្នកដែលជួបរឿងស្នេហាខកចិត្ត។ ក្រៅពីប្រិយមិត្តជាច្រើនបានសរសើរទៅលើការថត ដែលចាប់ប្លង់បានល្អឥតខ្ចោះ ប្លង់ខ្លះមើលស្ទើរមិនដឹងថា ថតនៅកម្ពុជាផង។ ឃើញបែបនេះ សិរីវុឌ្ឍ បានថ្លែងថា "អរគុណបងប្អូនក៏ដូចជា Fan, fan ទាំងអស់ដែលបានចូលស្ដាប់និងចូល Comment នូវស្នាដៃរបស់ខ្ញុំ ហេីយខ្ញុំនឹងខំប្រឹងប្រែងផលិតបទចម្រៀងឲបានល្អៗបន្ថែមទៀតចែកជូន Fan, fan បន្តទៅទៀត។”។