ឈិត សេរីវណ្ណថង សរសើរ ប៊ុន សុធា ល្អគ្រប់ស្នៀត និងជាពិសេសកែង

2021-02-25 04:37:38
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរមកពីខេត្តបាត់ដំបង ឈិត សេរីវណ្ណថង សរសើរ ប៊ុន សុធា ជាកីឡាករល្អគ្រប់ស្នៀត ជាពិសេសកែង និងជង្គង់តែម្ដង យ៉ាងណាក៏ត្រៀមខ្លួនរួចរាល់សម្រាប់ការប្រកួតនៅថ្ងៃសៅរ៍នេះហើយ។

កីឡាករ ឈិត សេរីវណ្ណថង

ឈិត សេរីវណ្ណថង បានឲ្យដឹងថា រូបគេបានត្រៀមខ្លួនរួចរាល់ហើយសម្រាប់ការត្រៀមប៉ះជាមួយជើងខ្លាំង ប៊ុន សុធា នៅថ្ងៃសៅរ៍សប្ដាហ៍ឯសង្វៀនបាយ័ន។ ការហាត់ត្រៀមរបស់ វណ្ណថង គឺតាំងតែពីប្រកួតចប់ជាមួយ ឡុង ជិន មកម្ល៉េះ។

មុនការប៉ះគ្នាមកដល់ជាថ្មីនេះ វណ្ណថង ក៏បានសរសើរពីសមត្ថភាពដ៏ល្អរបស់ ប៊ុន សុធា ជាកីឡាករល្អគ្រប់ក្បាច់ ជាពិសេសគឺស៊ុហ្វល្អថែមទៀតផង។ ម្ចាស់ពាន ISI ខាងលើនេះក៏មានការបារម្ភខ្លះៗដែរចំពោះក្បាច់ជង្គង់ និងកែង របស់ ប៊ុន សុធា។ បើនិយាយពីក្ដីសង្ឃឹមវិញ វណ្ណថង មានត្រឹម ៧០% សម្រាប់ការប្រកួតមួយនេះ។

ប៊ុន សុធា ឈ្នះកន្លងទៅ

រំលឹកដែរថា ឈិត សេរីវណ្ណថង នឹងត្រូវតតាំងជាមួយកីឡាករ ប៊ុន សុធា នៅលើសង្វៀនបាយ័ន នាល្ងាចថ្ងៃសៅរ៍ ទី២៧ ខែកុម្ភៈ ឆ្នាំ២០២១ វេលាម៉ោង ៦ល្ងាចតទៅ។ វណ្ណថង ធ្លាប់ឈ្នះ ប៊ុន សុធា ១ដងផងដែរកាលពី ៥ឆ្នាំមុនអំឡុងពេលវ៉ៃគីឡូតូចៗ៕

អត្ថបទ៖ នួន ស៊ីណា