មិញនេះ! សមាជិកម្នាក់របស់គ្រួសារកំពូលតារាចម្រៀង ព្រាប សុវត្ថិ ចេញមុខចាក់វ៉ាក់សាំងSinopharm

2021-02-25 07:57:48
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាចម្រៀង ព្រាប សុវត្ថិ និងកូនប្រុសទាំងបីនាក់ សុទ្ធតែមានតួនាទីក្នុងការិយាល័យយោធាភិរម្យ នៃកងទ័ពជើងគោករបស់ក្រសួងការពារជាតិ។យោធពលខេមរភូមិន្ទ។ នៅថ្ងៃទី២៥ ខែកុម្ភៈ នេះ កូនប្រុសពៅរបស់លោក គឺសុវត្ថិ សិរីវុឌ្ឍ បានទទួលវ៉ាក់សាំងSinopharm ដើម្បីការពារជំងឺកូវីដ-១៩ ហើយ។

តារាចម្រៀងវ័យក្មេងដែលទើបដើរចេញពីផលិតកម្មរស្មីហង្សមាស សុវត្ថិ សិរីវុឌ្ឍ បានបង្ហោះសារមួយដោយមានភ្ជាប់រូបថតលោកកំពុងអង្គុយចាក់សាំងមួយសន្លឹកតាមបណ្ដាញសង្គមFacebook និងInstagram ថា៖"ថ្ងៃនេះខ្ញុំបានមកចាក់Vaccin covid-19 ហើយ។

ការចេញមុខទទួលវ៉ាក់សាំងការពារជំងឺកូវីដ-១៩ របស់ក្រុមហ៊ុនចិន Sino pharm របស់សមាជិកគ្រួសារកំពូលតារាចម្រៀងព្រាប សុវត្ថិ នាពេលនេះ គឺជាលើកទី១ហើយ។ លោកព្រាប សុវត្ថិ និងកូនទាំងបី គឺជាមន្ត្រីយោធា និងជាតារាចម្រៀងពេញនិយមសម្រាប់យុវវ័យ ប៉ុន្តែគិតមកដល់ថ្ងៃនេះទាំងលោក ព្រាប សុវត្ថិ និងកូនប្រុសពីរនាក់ទៀតមិនទាន់ឃើញចេញទៅទទួលវ៉ាក់សាំងនៅឡើយទេ។

សូមរំលឹកថា ចាប់តាំងពីវ៉ាក់សាំងការពារជំងឺកូវីដ-១៩ របស់ក្រុមហ៊ុនចិន Sinopharm បានដឹកមកដល់កម្ពុជា មានតារាកំប្លែងជើងចាស់ និងវ័យក្មេងមួយចំនួនដែលមានតួនាទីក្នុងកងទ័ពជើងគោករបស់ក្រសួងការងារជាតិដូចជា លោក អ៊ូ ប៊ុណ្ណារ៉ាត់ ហៅនាយក្រឹម លោក ជួង ជី ហៅនាយកុយ និងតារាម៉ូដែលដែលជាមន្ត្រីយោធាម្នាក់ គឺលោក ថមមី ក៏បានទទួលវ៉ាក់សាំងការពារជំងឺកូវីដ-១៩ ហើយដែរ៕

អត្ថបទ៖ ជិន សុភ័ក្ដ្រ