ត្រួសៗ...អ្នកសិល្បៈណាខ្លះភ្លាត់ខ្លួនឆ្លងជំងឺកូវីដ-១៩ ហើយអ្នកណាខ្លះឆ្លងផុត គិតត្រឹមរសៀលនេះ

2021-03-11 09:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ ២០ កុម្ភៈ នៃការឆ្លងជំងឺកូវីដ-១៩ក្នុងសហគមន៍ជាលើកទី២ មិនទាន់ថមថយនៅឡើយ ពោលគឺនៅតែមានអ្នកឆ្លង ហើយនៅព្រឹកថ្ងៃទី១១ ខែមីនា នេះ មានបុរសម្នាក់ស្លាប់ដោយសារជំងឺកូវីដ-១៩ ដែលជាករណីស្លាប់ដំបូងគេនៅកម្ពុជា។

ងាកមកក្នុងរង្វង់សិល្បៈវិញក៏រំជើបរំជួលណាស់ដែរជាមួយនឹងបញ្ហាជំងឺកូវីដ-១៩ បន្ទាប់ពីពិធីការិនី ចាន់ កែវនិមល និងអ្នកសិល្បៈមួយចំនួនទៀតរបស់ផលិតកម្មរស្មីហង្សមាស ត្រូវបានគេរកឃើញថាមានអ្នកឆ្លងជំងឺកូវីដ-១៩ ចាប់តាំងល្ងាចថ្ងៃទី៩ ខែមីនា មក។

គិតត្រឹមរសៀលថ្ងៃទី១១ ខែមីនា ឆ្នាំ២០២១ តើមានអ្នកសិល្បៈណាខ្លះបានឆ្លងជំងឺ-១៩ ហើយមានអ្នកសិល្បៈណាខ្លះបានរួចផុតពីដំណាក់កាលទី១ នៃការឆ្លងមេរោគនេះតាមរយៈការធ្វើតេស្តប៉ុន្មានថ្ងៃមកនេះ? Sabay រំលឹកត្រួសៗ ពីអ្នកដែលបានឆ្លង និងអ្នកបានធ្វើតេស្តរកមេរោគនេះដែរតែអវិជ្ជមានតទៅ៖

"អ្នកឆ្លង"

១/ពិធីការិនីរបស់ទូរទស្សន៍ហង្សមាស អ្នកនាង ចាន់ កែវនិមល និងស្វាមី ព្រមទាំងកូនស្រីអាយុ១០ឆ្នាំ បានឆ្លង ហើយបានធ្វើតេស្តឃើញវិជ្ជមានមេរោគនេះនៅថ្ងៃទី៨ ខែមីនា ឆ្នាំ២០២១។

២/ តារាចម្រៀងរបស់ផលិតកម្មរស្មីហង្សមាស លោក ណុប បាយ៉ារិទ្ធ បានធ្វើតេស្ដ និងរកឃើញថាមានមេរោគកូវីដ-១៩ នៅថ្ងៃទី៩ ខែមីនា ឆ្នាំ២០២១។

៣/តារាចម្រៀងរបស់ផលិតកម្មរស្មីហង្សមាស អ្នកនាង សុគន្ធ នីសា បានធ្វើតេស្ត និងរកឃើញមេរោគកូវីដ-១៩ នៅថ្ងៃទី៩ ខែមីនា ឆ្នាំ២០២១។

៤/កូនស្រីរបស់តារាចម្រៀងជើងចាស់ ហ៊ួ ឡាវី គឺតារាចម្រៀងរបស់ផលិតកម្មរស្មីហង្សមាស កញ្ញា វី ឌីណែត បានធ្វើតេស្ត និងរកឃើញមេរោគកូវីដ-១៩ នៅថ្ងៃទី១០ ខែមីនា ឆ្នាំ២០២១។

៥/អ្នកដឹកនាំសម្ដែងលោក អ៊ិន ទីតូ បានឆ្លង ហើយបានធ្វើតេស្តរកឃើញជំងឺកូវីដ-១៩ កាលពីថ្ងៃទី៨ ខែមីនា ឆ្នាំ២០២១។

៦/ លោកគ្រូភ្លេង សាន់ សុវណ្ណឌីន បានឆ្លង ហើយបានធ្វើតេស្តរកឃើញជំងឺកូវីដ-១៩ កាលពីថ្ងៃទី១០ ខែមីនា ឆ្នាំ២០២១។

"អ្នកអវិជ្ជមាន តែបានធ្វើតេស្ត"

១/តារាចម្រៀងរបស់ផលិតកម្មរស្មីហង្សមាស ឱក សុគន្ធកញ្ញា បានធ្វើតេស្ដ តែលទ្ធផលអវិជ្ជមាន នៅថ្ងៃទី៩ ខែមីនា ឆ្នាំ២០២១។

២/តារាចម្រៀងរបស់ផលិតកម្មរស្មីហង្សមាស ឆន សុវណ្ណរាជ បានធ្វើតេស្ត តែលទ្ធផលអវិជ្ជមាន នៅថ្ងៃទី៩ ខែមីនា ឆ្នាំ២០២១។

៣/តារាចម្រៀងរបស់ផលិតកម្មរស្មីហង្សមាស សួស វីហ្សា និងស្វាមី បានធ្វើតេស្ត តែលទ្ធផលអវិជ្ជមាន នៅថ្ងៃទី១០ ខែមីនា ឆ្នាំ២០២១។

៤/តារាចម្រៀងរបស់ផលិតកម្មរស្មីហង្សមាស កែវ សុបញ្ញា បានធ្វើតេស្ត តែលទ្ធផលអវិជ្ជមាននៅថ្ងៃទី១១ ខែមីនា ឆ្នាំ២០២១។

៥/តារាចម្រៀងរបស់ផលិតកម្មរស្មីហង្សមាស ប៉ាច គីមមួយ បានធ្វើតេស្តរួចហើយកាលពីថ្ងៃទី១០ ខែមីនា ប៉ុន្ដែមិនទាន់ចេញលទ្ធផលនៅឡើយ។

៦/តារាចម្រៀងរបស់ផលិតកម្មរស្មីហង្សមាស សុខ ស្រីនាង ធ្វើតេស្តលើកទី ១ រួចហើយ លទ្ធផលចេញមក អវិជ្ជមាន។

៧//តារាចម្រៀងរបស់ផលិតកម្មរស្មីហង្សមាស រ៉េត ស៊ូហ្សាណា ធ្វើតេស្តលើកទី ១ រួចហើយ លទ្ធផលចេញមក អវិជ្ជមាន។

ទោះជាយ៉ាងណាអ្នកដែលបានធ្វើតេស្តលើកទី១ ហើយចេញលទ្ធផលអវិជ្ជមាន អាចនឹងត្រូវបានគ្រូពេទ្យជំនាញធ្វើតេស្តជាលើកទី២ ព្រោះអ្នកទាំងនោះត្រូវបានគេសង្ស័យថាបានជាប់ពាក់ព័ន្ធដោយផ្ទាល់ និងប្រយោលជាមួយនឹងឆ្លងជំងឺកូវីដ-១៩ ក្នុងព្រឹត្តិការណ៍សហគមន៍ ២០ កុម្ភៈ៕

អត្ថបទ៖ ជិន សុភ័ក្ដ្រ