មិនគួរឱ្យជឿ Spurs ធ្លាក់ ដោយថ្វីជើងក្រុម Dinamo យប់មិញ
- 2021-03-19 01:28:18
- ចំនួនមតិ 0 | ចំនួនចែករំលែក 0
មិនគួរឱ្យជឿ Spurs ធ្លាក់ ដោយថ្វីជើងក្រុម Dinamo យប់មិញ
ចន្លោះមិនឃើញ
ក្រុម Spurs បានធ្លាក់ចេញពីពានរង្វាន់ UEFA Europa League ទៅហើយ ក្រោមថ្វីជើងរបស់ក្រុម Dinamo Zagreb ក្នុងលទ្ធផល ៣-០ នៅជើងទី២ សរុបទាំងពីរជើង ៣-២ ។
ក្នុងការប្រកួតនេះដែរ គេគិតថាក្រុមរបស់លោក Jose Mourinho នឹងមិនពិបាកក្នុងការឡើងទៅវគ្គបន្ដនោះទេ ព្រោះជើងទី១ពួកគេឈ្នះក្នុងលទ្ធផល ២-០ ទៅហើយ។ តែផ្ទុយទៅវិញការប្រកួតជើងទី២នេះ ក្រុម Dinamo ធ្វើបានល្អមែនទែន ដោយរកបាន២គ្រាប់នៅម៉ោងលេង៩០នាទី។ លទ្ធផលនេះ តម្រូវឱ្យថែមម៉ោងដើម្បីកាត់ក្ដីយកក្រុមឈ្នះ ជាចុងបញ្ចប់ Dinamo ជាអ្នករកបាន១គ្រាប់ទៀត ដើម្បីទម្លាក់ក្រុម Spurs តែម្ដង។
លទ្ធផលនេះ បានធ្វើឱ្យអ្នកគាំទ្រភ្ញាក់ផ្អើលជាខ្លាំង ព្រោះ Spurs ជាក្រុមខ្លាំងមួយផងដែរ មិនគួរណាទៅធ្លាក់ក្រោមថ្វីជើងក្រុម Dinamo នោះទេ។ ស្របពេលក្លឹបមួយនេះ ទើបតែបាត់អ្នកចាត់ការក្រុមកាលពី៣ថ្ងៃមុនផងដែរ ដោយសារជាប់ទោសត្រូវជាប់គុក៕