គ្រូព័រទុយហ្គាល់ចេញមកការពារ ហើយបញ្ជាក់ថា Ronaldo នៅតែជាប្រធានក្រុម

2021-03-30 01:40:37
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូជម្រើសជាតិព័រទុយហ្គាល់លោក Fernando Santos បានចេញមកការពារ Cristiano Ronaldo និងបញ្ជាក់ថា គេនៅតែបន្តធ្វើជាប្រធានក្រុមដដែល ទោះបីបានដើរចេញពីទីលានកាលប៉ះស៊ែប៊ីក៏ដោយ។

តារារបស់ក្លឹប Juventus វ័យ៣៦ឆ្នាំបានខឹងសម្បារយ៉ាងខ្លាំង បន្ទាប់ពីអាជ្ញាកណ្ដាលលោក Danny Makkelie បដិសេធគ្រាប់បាល់ចុងម៉ោងរបស់គេ ធ្វើឲ្យលទ្ធផលរវាងព័រទុយហ្គាល់និងស៊ែប៊ីបញ្ចប់ត្រឹម ២-២។

Ronaldo អាចនឹងប្រឈមមុខនឹងការដាក់ពិន័យរបស់ FIFA បន្ទាប់ពីបានដោះស្លាកប្រធានក្រុមចេញពីដៃគប់ទៅលើស្មៅ និងស្រែកដាក់មុខអាជ្ញាកណ្ដាល។ ប៉ុន្តែលោក Santos បានឈរគាំទ្រពីក្រោយ Ronaldo និងប្រាប់ថា គេនៅតែជាប្រធានក្រុមរបស់ព័រទុយហ្គាល់។ “វាគ្រាន់តែជាការខឹងមួយពេល។ Cristiano នៅតែជាប្រធានក្រុម។ គេគឺជាឧទាហរណ៍សម្រាប់អ្នករាល់គ្នា”។ សម្ដីរបស់លោក Santos។

ព័រទុយហ្គាល់មានភារកិច្ចលេងជម្រុះ World Cup នៅរាត្រីនោះទល់នឹង លុចសំបួ ហើយលោក Santos បញ្ជាក់ថា Ronaldo ក៏នឹងបង្ហាញខ្លួនប្រកួត និងបន្តពាក់ស្លាកដៃប្រធានក្រុម៕

ប្រភព៖ Dailymail ប្រែសម្រួល៖ ហេង សុធារិទ្ធិ