មកស្គាល់កីឡាករគុនខ្មែរ៤រូបធ្លាប់ឈ្នះខ្សែក្រវាត់បានប្រាក់រង្វាន់ ១ម៉ឺនដុល្លារ

2021-04-06 03:49:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃនេះ Sabay នឹងរំលឹកទៅអតីតកាលកីឡាករជើងខ្លាំងគុនខ្មែរធ្លាប់ឈ្នះវគ្គផ្ដាច់ព្រ័ត្រខ្សែក្រវាត់ហើយទទួលបានប្រាក់រង្វាន់រហូតដល់ ៤០លានរៀល ឬ ១ម៉ឺនដុល្លារឯណោះ។ តោះ! មកដឹងទាំងអស់គ្នា។

សែន រ៉ាឌី ឈ្នះខ្សែក្រវាត់ LEO

**ទី១ កីឡាករ សែន រ៉ាឌី**

អ្នកប្រដាល់ដើមកំណើតមកពីខេត្តកោះកុងរូបនេះគឺធ្លាប់ឈ្នះខ្សែក្រវាត់ និងពានជាច្រើនមកហើយនាពេលកន្លងទៅ ខណៈការប្រកួតមិត្តភាពអន្តរជាតិតែងតែមានមុខរូបគេជានិច្ច។ ប៉ុន្តែរូបគេឈប់ពីប្រដាល់យូរឆ្នាំហើយ និងក្លាយជាគ្រូប្រចាំក្លឹបនាយកដ្ឋានអង្គរក្ស។ ក្នុងចំណោមខ្សែក្រវាត់ទាំងនោះ សែន រ៉ាឌី ក៏ធ្លាប់ឈ្នះខ្សែក្រវាត់ LEO ១គ្រឿង និងទទួលបានប្រាក់រង្វាន់ ៤០លានរៀលផងដែរនៅសង្វៀន PNN ក្រោយផ្ដួលកីឡាករថៃ ។

សៀវ ង៉ុយ ឈ្នះខ្សែក្រវាត់ LEO

ទី២ កីឡាករ សៀវ ង៉ុយ

សិស្សគុននៅក្លឹបសមាគមក្រសួងការពារជាតិរូបនេះក៏ធ្លាប់មានប្រវត្តិឈ្នះខ្សែក្រវាត់ LEO ព្រមទាំងទទួលបានប្រាក់រង្វាន់ ៤០លានរៀលដែរ។ នៅពេលនោះ សៀវ ង៉ុយ យកឈ្នះកីឡាករខ្មែរគ្នាឯងគឺ អាំង សំអាត នៅលើសង្វៀន PNN។

ឡៅ ចិត្រា ឈ្នះខ្សែក្រវាត់មាស

ទី៣ កីឡាករ ឡៅ ចិត្រា

អ្នកលេងគុនខ្មែរមកពីឆត្រយោង ៩១១ រូបនេះក៏ធ្លាប់ឈ្នះខ្សែក្រវាត់មាស ISI ១គ្រឿងនិងទទួលបានប្រាក់រង្វាន់ ៤០លានរៀលផងដែរ គឺឈ្នះនៅវគ្គផ្ដាច់ព្រ័ត្រជាមួយ លន បញ្ញា នៅសង្វៀន PNN។

អេលីត ចំរើន ឈ្នះខ្សែក្រវាត់មាស

ទី៤ កីឡាករ អេលីត ចំរើន

កូនសិស្សលោក ស៊ន អេលីត រូបនេះក៏មិនធម្មតាដែរ ពោលប្រហែលជាង១ឆ្នាំមុននេះរូបគេក៏ធ្លាប់ឈ្នះខ្សែក្រវាត់មាស ISI ១គ្រឿង និងទទួលប្រាក់រង្វាន់ ៤០លានរៀលផងដែរ។ ដោយពេលនោះគឺឈ្នះវគ្គផ្ដាច់ព្រ័ត្រលើកីឡាករ វ៉ាន់ វឿន នៅសង្វៀន PNN៕

អត្ថបទ៖ នួន ស៊ីណា