ប្រទេសប្រេសុីល បានបង្ហាញរបាយការណ៍ ថាមានប្រជាជនស្លាប់បាត់បង់ជីវិតដោយសារជំងឺកូវីដ ៤ពាន់នាក់ជាង ត្រឹមតែរយៈពេល ២៤ម៉ោងប៉ុណ្ណោះ។ នេះបើតាមការឱ្យដឹងពី BBC។

ប្រទេសនៅតំបន់អាមេរិកឡាទីនមួយនេះ មានប្រជាជនដែលមានវិជ្ជមានមេរោគកូវីដជាង ១៣លាននាក់។ ពលរដ្ឋជាច្រើននាក់បានឆ្លងកូវីដ នៅណែនណាន់់តាន់តាប់ពាសពេញមន្ទីរពេទ្យដើម្បីរង់ចាំទទួលការព្យាលបាលពីក្រុមគ្រូពេទ្យជំនាញ។

គួររំលឹកថា នៅក្នុងខែមិនាកន្លងទៅ ជំងឺកូវីដដ៏កាចសាហាវ បានឆក់យកជីវិត ប្រជាជនប្រសុីលជាង ៦៦.៥៧០នាក់។ ចំពោះទិន្នន័យអ្នកស្លាប់សរុបនៅក្នុងប្រទេសនេះ កើនឡើងដល់ ៣៣.៧០០០ នាក់ហើយគិតត្រឹមថ្ងៃទី ៧ ខែមេសា ឆ្នាំ២០២១៕

ប្រភព៖ BBC   ប្រែសម្រួល៖ ពិទូ