Fan មហាសំណាងជួប Sehun តាមផ្លូវ និងរៀបរាប់ពីចរិតពិតរបស់ Idol គ្មានសល់
- 2021-04-08 05:08:50
- ចំនួនមតិ 0 | ចំនួនចែករំលែក 0
Fan មហាសំណាងជួប Sehun តាមផ្លូវ និងរៀបរាប់ពីចរិតពិតរបស់ Idol គ្មានសល់
ចន្លោះមិនឃើញ
អ្នកគាំទ្រដ៏សំណាងម្នាក់បានជួប Sehun (EXO) តាមផ្លូវដោយចៃដន្យ ក្នុងទីក្រុងសេអ៊ូល។ មិនត្រឹមតែបានថតរូបជាមួយទេ អ្នកគាំទ្រម្នាក់នេះក៏បានបង្ហោះរូបនោះលើ Story ប៉ុន្តែដោយសារមានអ្នកឆាតសួរច្រើនពេក សឹងផ្ទុះឆាត ទើបលោកសម្រេចបកស្រាយចំៗតែម្ដង។
ក្នុង Story នោះ អ្នកគាំទ្ររូបនេះបានបង្ហោះដោយសរសេរថា «ខ្ញុំបានជួប Sehun សមាជិក EXO»។
បន្ទាប់មក Fan ដដែលក៏បានរៀបរាប់ដំណើររឿងពេលនោះ ថាលោកបានជួប Sehun ចៃដន្យបំផុតតាមផ្លូវ ហើយក៏សុំ Sehun ថតរូបជាមួយ។ លោកនៅបានបញ្ជាក់ទៀតថា Sehun ដែលនៅក្នុងរូបនេះគឺ Sehun របស់ EXO និងមិនមែនបេក្ខភាពអភិបាលក្រុងសេអ៊ូល Oh Sehun ទេ។
«ខ្ញុំសូមសរុបរឿងទាំងអស់ ដោយសារឆាតរបស់ខ្ញុំចង់ផ្ទុះហើយ។
ខ្ញុំបានជួប Sehun (EXO) ខ្ញុំបានជួបគាត់នៅតំបន់ Cheongdam។ ខ្ញុំមិនមែនចង់និយាយសំដៅដល់បេក្ខភាពអភិបាលក្រុងសេអ៊ូល Oh Se Hun ទេណា។ មុខរបស់គាត់ពិតជាតូចណាស់ ហើយគាត់ខ្ពស់មែន។ គាត់អត់នៅជាមួយសមាជិក EXO ផ្សេងទៀតទេ គឺដើរតែឯងទេ។ គាត់ពាក់ម៉ាស ប៉ុន្តែដោយសារខ្ញុំជាហ្វេនគាត់ ទើបចំណាំបានភ្លាមៗ។ ស្បែកគាត់វិញ ជ្រះល្អណាស់។ ទោះបីអ្នកឃើញតែត្រឹមប្រឡោះភ្នែកគាត់ ក៏ដឹងថាគាត់ពិតជាសង្ហាមែន។ សូមប្រាប់ថា ខ្ញុំមិនមែនជាខ្ទើយទេ។ ពេលនោះគាត់ដូចជាដើរលេងតែម្នាក់ឯង គ្មានអ្នកចាត់ការមកជាមួយទេ។ ខ្ញុំបានសុំអង្វរគាត់ ថតរូបជាមួយខ្ញុំ១ប៉ុស្តិ៍។ ចរិតគាត់ល្អណាស់ ហើយសំឡេងវិញឡើងពីរោះ»។