ស្អាតហើយពូកែទៀត! យុវជនខ្មែរ២រូប បញ្ចប់ការសិក្សាអាជ្ញាបណ្ណទី៣ ផ្នែកបើកយន្តហោះ ពីសាលាអាមេរិក

2021-05-04 08:27:43
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនខ្មែរពីររូបឈ្មោះ Dosvanna Sochantara និង Keo Tithsocheata បានបញ្ចប់ការសិក្សាដោយជោគជ័យពីសាលាផ្នែកអាកាសចរណ៍អាមេរិក នៅរដ្ឋតិចសាស់, សហរដ្ឋអាមេរិក។ នេះបើតាមការផ្សាយពីទំព័រ Cambodia Pilot Club។

យុវជន យុវតីរបស់កម្ពុជាទាំងពីរ បានបញ្ចប់ការសិក្សា អាជ្ញាបណ្ឌទីបីគឺ Commercial License អ្នកបើកយន្តហោះ ដែលអាចដឹកអ្នកដំណើរដោយប្រើប្រាស់ម៉ាស៊ីនពីរបាន។ នេះគឺជាមោទនភាពមួយទៀតរបស់កម្ពុជាដែលមានកូនខ្មែរបញ្ចប់ការសិក្សាផ្នែកនេះ។

ជាទូទៅការសិក្សាផ្នែកបើកបរយន្តហោះប្រើពេល១២ខែ និងទទួលបាន License ចំនួនបី ដែលទីមួយ Private License ជាអាជ្ញាបណ្ណដំបូងដែលអនុញ្ញាតឱ្យបើកបរយន្តហោះទៅណាតែម្នាក់ឯងបាន ហើយសាលាបង្រៀនតម្រូវឱ្យសិស្សរៀនចំណេះដឹង ទ្រឹស្ដីនៃបច្ចេកទេសនៃការបើកបរយន្តហោះ ប្រមាណ៣ទៅ៤ខែទៀត រួចទទួលបានអាជ្ញាបណ្ឌ Private License។

ឯអាជ្ញាបណ្ណទីពីរគឺ Instrument rating សិស្សអាចមានសិទ្ធិហោះចូលពពកបាន ហើយជាធម្មតាគេតម្រូវឱ្យរៀន២ខែ និងបន្ទាប់មកគឺ អាជ្ញាបណ្ឌទីបីគឺ Commercial License អ្នកបើកយន្តហោះ អាចដឹកអ្នកដំណើរដោយប្រើប្រាស់ម៉ាស៊ីនពីរបានដោយប្រើរយៈពេល ២ខែក្នុងការសិក្សា។ បន្ទាប់ពីនេះទៅត្រូវមានការសិក្សាបន្តបន្ទាប់ច្រើនទៀត ដូចជា Airbus 320 Type Rating ដែលអាចដឹកអ្នកដំណើរពី១០០ ទៅ១៥០នាក់ជាដើម៕